नागपूर : सरकारी काम म्हटलं म्हणजे बारा महिने थांब असं म्हटलं जाते. यामुळेच लोकांना शासकीय कार्यालय कंटाळवाणे वाटतात. हीच स्थिती शासकीय रुग्णालयांची झाली आहे. रुग्ण बरा होईल तेव्हा होईल; पण, रुग्णालयाची स्थिती पाहून आपण बरेचं होणार नाही, असे मात्र रुग्णाच्या मनात आल्याशिवाय राहणार नाही. मात्र, याला अपवाद असलेल रुग्णालय विदर्भात तयार करण्यात आले आहे. याचा व्हिडिओ तुकाराम मुंढे यांनी आपल्या सोशल मीडियावर अकाऊंटवरून शेअर केला आहे.

सरकारी रुग्णालय म्हटले की घाणेरडे चित्र डोळ्यांसमोर उभे राहते. रुग्णालयाच्या आजुबाजूला कचऱ्याचा ढीग, रुग्णालयात कुठेही झोपलेले आणि उपचार घेत असलेले रुग्ण, घाणेरडा वास, डॉक्टर जागेवर नाही असेच काहीसे चित्र पहिल्या नजरेत पाहायला मिळते. रुग्णालयाची दूरवस्था आणि रुग्णांच्या नातेवाईकांना होणाऱ्या मनस्पातामुळे अनेकजण शासकीय रुग्णालयात जाणे टाळतात.

अधिक वाचा - सकाळच्या वेळी शेतातून येत होता खळखळ आवाज; जाऊन बघताच तळपायाची आग गेली मस्तकात 

शासकीय रुग्णालयात उपचार मोफत किंवा कमी किंमतीत होतो. तसेत औषधही मिळतात. तरी रुग्ण शासकीय रुग्णालयात जाण्याऐवजी खासगी रुग्णालयाला अधिक प्राधान्य देतात. खासगी रुग्णालय पाहताच मन प्रसन्न होतो. मल्टीस्पेशालिटी रुग्णालयाची सेवा चांगली असते. यामुळे घरच्यासारख वातावरण असल्याचे जाणवते. मात्र, या रुग्णालयात दाखल होण्यासाठी मोठी रक्कम मोजावी लागते.

मात्र, अशीच सुविधा, साफसफाई, चागंला परिसर शासकीय रुग्णालयात मिळालं तर तुम्ही कोणत्या रुग्णालयात जाऊ असाच काहीसा विचार कराल. किंवा अस कस शक्य आहे असच काही म्हणाल. मात्र, हे अशक्य वाटणार काम विदर्भातील अतिदुर्गम समजल्या जाणाऱ्या गडचिरोली जिल्ह्यातील एका रुग्णालयाने करून दाखवल आहे.

जाणून घ्या - हॅकर्सचा सुळसुळाट : चुकूनही करू नका हे ॲप डाऊनलोड; एक निनावी फोन करेल तुमचं खातं रिकाम

नागपूरचे माजी आयुक्त तुकाराम मुढे यांनी आपल्या सोशल मीडिया अकाऊंटवरून गडचिरोली जिल्ह्यातील एका सरकारी रुग्णालयाचा व्हिडिओ शेअर केला आहे. हा व्हिडिओ १.५३ मिनिटांचा असून एका पंचतारांकित रुग्णालयासारखा दिसतो. परंतु, हा व्हिडिओ हॉटेलचा नसून रुग्णालयचा यावर कोणीही विश्वास करणार नाही. व्हिडिओत दिसणाऱ्या रुग्णालयाची स्वच्छता, मल्टीस्पेशालिटी सुविधा आणि डेकोरेट हे भुरळ घालणारे आहे. खासगी रुग्णालयालाही मागे टाकेल, असा रुग्णालयाचा व्हिडिओ आहे.

दीपक सिंगला यांनी केलेल्या कामाचा परिचय

गडचिरोलीतील हे सरकारी रुग्णालय राज्यातील सर्वच जिल्ह्यांसाठी रोल मॉडेल बनू शकते. दीपक सिंगला यांनी केलेल्या कामाचा हा परिचय आहे. दिल्लीचे मुख्यमंत्री अरविंद केजरीवाल यांनी ज्याप्रकारे शाळांचा कायापालट केला त्याच प्रमाणे दीपक सिंगला यांनी रुग्णालयाचे रूप बदलले. सरकारी रुग्णालय कसे असावे, हे दर्शवणारा हा व्हिडिओ आहे. या कामासाठी गडचिरोलीच्या टीमचे तुकाराम मुंढे यांनी अभिनंदन केले आहे.

जाणून घ्या - मामा-भाचाच्या वयात फक्त चार वर्षांचा फरक; मित्रांसारखे राहत असताना विसरले नात्याचा इतिहास आणि घडली अनुचित घटना

मुंढेंचे विदर्भावरील प्रेम कायम

नागपूर मनपाचे माजी आयुक्त तुकाराम मुंढे यांची बदली झाली आहे. मात्र, त्यांचे विदर्भावरील प्रेम काही कमी झालेले नाही. ते नागपुरात असताना अनेक कठोर निर्णय घेतले. यामुळे त्यांचा विरोध झाला. राजकीय नेत्यांशी वादही झाला. मात्र, त्यांनी आपल्या कामाच्या पद्धतीत काही बदल केला नाही. यामुळेच त्यांची तडकाफडकी बदली करण्यात आली. मात्र, त्यांचे विदर्भावरील प्रेम काही कमी झाल्याचे दिसत नाही.