नागपूर : मुख्यमंत्री उद्धव ठाकरे यांनी शुक्रवारी भंडारा जिल्ह्यतील वैनगंगा नदीवर बांधण्यात आलेल्या गोसीखुर्द राष्ट्रीय प्रकल्पाला भेट दिली. मुख्यमंत्र्यांनी अपूर्ण असलेले सिंचन प्रकल्प तातडीने पूर्ण करण्यासंदर्भात आढावा घेऊन निधी तसेच भूसंपादनासाठी प्राधान्य देण्यात येणार असल्याचे यावेळी सांगितले.

विदर्भातील भंडारा जिल्ह्यातील गोसेखुर्द राष्ट्रीय प्रकल्पाचे काम गेल्या ३५ वर्षांपासून रखडलेले आहे. शुक्रवारी मुख्यमंत्री ठाकरे यांनी याचा दौरा केला. महाविकासआघाडीची सरकार स्थापन झाल्यानंतर मुख्यमंत्री झाल्यावर उद्धव ठाकरे यांचा हा दुसरा विदर्भ दौरा होता.

जाणून घ्या - 'तिच्या' घरी सुरु होती लग्नाची लगबग पाहुणेही होते तयार; तेवढ्यात आला फोन अन् एका क्षणात सगळंच संपलं

यापूर्वी त्यांनी विदर्भात समृद्धी महामार्गाच्या पाहणीसाठी दौरा केला होता. त्यानंतर आज ते पूर्व विदर्भाच्या भंडारा जिल्ह्यातील पवनी तालुक्‍यातील गोसेखुर्द धरणावर आले. विदर्भ हा माझ्यासाठी जिव्हाळ्याचा आणि तेवढाच महत्त्वाचा असल्याचे मुख्यमंत्री म्हणाले.

गोसेखुर्द प्रकरणाचे काम ३५ वर्षांपासून सुरू आहे. पण, अद्यापही ते पूर्णत्वास गेले नाही, असा प्रश्न विचारला असता विदर्भातील रखडलेल्या सर्व प्रकल्प, सर्व कामांची पाहणी करणे, तिथल्या लोकांच्या अडचणी समजून प्रकल्प पूर्ण करण्यासाठी येणाऱ्या अडचणी ऐकून घेऊन त्यावर पुढील काळात उपाययोजना करण्याचे काम करणार आहे, असे त्यांनी माध्यमांशी बोलताना सांगितले.

उमरेड विधानसभा मतदारसंघातील चाळीस गाव या प्रकल्पामध्ये गेलेली आहेत. पण, अद्यापही त्या गावातील पुनर्वसनाची कामे पूर्ण झालेली नाहीत. वीज पाणी आणि रस्ते यासारख्या मूलभूत सुविधा अद्याप तेथे पोहोचलेल्या नाहीत, असे उमरेडचे आमदार राजू पारवे यांनी मुख्यमंत्र्यांना सांगितले. त्यावर ठाकरे यांनी त्यांना मुंबईला येण्याचे निमंत्रण दिले.

अधिक माहितीसाठी - अनेक दिवसांपासून बंद असलेल्या घराचं शेजाऱ्यांनी उघडलं दार; पलंगाजवळील दृश्य बघून भल्याभल्यांचा उडाला थरकाप

तिथे सविस्तर चर्चा करून प्रकल्प पूर्ण करणे आणि प्रकल्पग्रस्तांच्या समस्या मार्गी लावू, असे आश्वासन त्यांनी आमदार राजू पारवे यांच्यासोबत बोलताना दिले. मुख्यमंत्र्यांनी येथे धरणाच्या द्वारकेची पाहणी केली. त्यानंतर त्यांना क्रमांक दोनचे द्वार उघडून दाखवण्यात आले. दोन मिनिटांसाठी या जलाशयातून पाणी सोडण्यात आले.