रात्रीची वेळ होती. सगळेजण झोपले होते. त्याचवेळी बाथरुममधून कसालातरी आवाज येत होता. आवाज कसला येतोय हे पाहण्यासाठी घरमालकानं बाथरुमचा दरवाजा उघडला. त्यावेळी त्याच्या पायाखालची जमिनीच सरकली. बाथरुममध्ये भलीमोठी मगर तोंड उघडून होती. आपल्या घरात मगर कशी काय आली, या भीतीनं आता काय करावं हेच त्याला कळेना. अखेर घरमालकानं रेस्क्यू टीमला बोलावलं. मग काय झालं पाहा. ही भली मोठी मगर पकडण्याचा प्रयत्न केला. काहीवेळानंतर या मगरीला पकडण्यात यश आलं. पण, साडे चार फुटांची मगर घरात आढळल्यानं घरमालक महेंद्र पढियार यांची झोपच उडाली.
व्हायरल सत्य
अथक प्रयत्नानंतर मगरीला पकडण्यात यश आलं. रात्री अचानक आवाज आल्यानं बाथरूममध्ये मांजर असावी असं त्यांना वाटलं. पण, बाथरूमचा दरवाजा उघडून पाहिल्यावर भलीमोठी मगर दिसली. रात्री खूप अंधार असल्यानं मगरीला पकडणं शक्य नव्हतं. त्यामुळं रेस्क्यू टीमला पाचारण करून मगरीला ताब्यात घेतलं.
हा सगळा प्रकार गुजरातच्या वडोदरामध्ये पाहायला मिळालाय. ही मगर विश्वमित्री नदीतून आली असावी असं बोललं जातंय. पण, भलीमोठी मगर घरात शिरल्यानं कुणावरही हल्ला केला असता. पण, वेळीच मगरीला पकडल्यानं मोठा अनर्थ टळला. आता या मगरीला पकडून जंगलात सोडून दिलंय. मात्र, मगरी वस्तीत शिरू लागल्यानं दहशतीचं वातावरण निर्माण झालंय.
*****************************
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.