मे महिन्यात डेट फंडात ६३,६६५ कोटींची गुंतवणूक, नोंदवली ४६ टक्क्यांची वाढ

पीटीआय
सोमवार, 15 जून 2020

मे महिन्यात डेट म्युच्युअल फंड प्रकारात ६३,६६५ कोटी रुपयांची गुंतवणूक झाली आहे. एप्रिल महिन्याच्या तुलनेत मे महिन्यात डेट म्युच्युअल फंडातील गुंतवणुकीत ४६ टक्क्यांची वाढ झाली आहे. एप्रिलमध्ये डेट फंडात ४३,४३१ कोटी रुपयांची गुंतवणूक झाली होती. असोसिएशन ऑफ म्युच्युअल फंड्स इन इंडियाने (ॲम्फी) यासंदर्भातील आकडेवारी जाहीर केली आहे.

मे महिन्यात डेट म्युच्युअल फंड प्रकारात ६३,६६५ कोटी रुपयांची गुंतवणूक झाली आहे. एप्रिल महिन्याच्या तुलनेत मे महिन्यात डेट म्युच्युअल फंडातील गुंतवणुकीत ४६ टक्क्यांची वाढ झाली आहे. एप्रिलमध्ये डेट फंडात ४३,४३१ कोटी रुपयांची गुंतवणूक झाली होती. असोसिएशन ऑफ म्युच्युअल फंड्स इन इंडियाने (ॲम्फी) यासंदर्भातील आकडेवारी जाहीर केली आहे. रिझर्व्ह बॅंकेने उचललेल्या पावलांमुळे आणि लिक्विड फंडातील गुंतवणूकीत वाढ झाल्यामुळे डेट फंडातील गुंतवणुकीचा ओघ वाढला आहे. मात्र मध्यम कालावधीसाठीचे फंड, ओव्हरनाईट फंड, क्रेडिट रिस्क आणि डायनामिक बॉंड फंड यामधील गुंतवणूक काढण्याकडे गुंतवणुकदारांचा कल दिसून आला आहे.

मार्च महिन्यात डेट म्युच्युअल फंडाला मोठा फटका बसला होता. या प्रकारातून गुंतवणूकदारांनी १.९५ लाख कोटी रुपयांची गुंतवणूक काढून घेतली होती. तर डेट फंडात फेब्रुवारी २०२० मध्ये २८,००० कोटी रुपयांची आणि जानेवारी २०२० मध्ये १.०९ लाख कोटी रुपयांची गुंतवणूक झाली होती. 

धक्कादायक : टाटांकडून शेअर ट्रेडिंगसंदर्भात सेबीच्या नियमांचे उल्लंघन, सायरस मिस्त्रींचा आरोप

मागील महिन्यात करण्यात आलेल्या गुंतवणुकीत  ट्रेझरी बिल, सर्टिफिकेट ऑफ डिपॉझिट्स आणि छोट्या कालावधीसाठीचे कमर्शियल पेपर यामध्ये गुंतवणूक असणाऱ्या लिक्विड फंडात ६१,८७० कोटी रुपयांची गुंतवणूक झाली होती. 

कोविड-१९च्या दुसऱ्या लाटेच्या भीतीने बाजाराची घसरगुंडी

रिझर्व्ह बॅंकेने डेट फंडांसंदर्भात निर्माण झालेल्या अडचणी दूर करण्यासाठी उचललेल्या पावलांचा सकारात्मक परिणाम होत मे महिन्यात पूर्वीप्रमाणेच डेट फंडात गुंतवणूकदारांचा विश्वास पुन्हा निर्माण झाला आहे, असे मत तज्ज्ञ व्यक्त करत आहेत. 

"टॅक्स' वाचवणारे चार मित्र

'गुंतवणूकदार व्याजदरांच्या ट्रेंडचा लाभ उठवत आहेत. एएए पतमानांकडे मोठ्या प्रमाणावर वळल्याचाही मोठा लाभ डेट प्रकारातील योजनांना झाला आहे. गुंतवणूकदार उच्च पतमानांकन असलेल्या डेट प्रकारात गुंतवणूक करत आहेत.', असे मत ॲम्फीचे मुख्य कार्यकारी अधिकारी एन एस वेंकटेश यांनी व्यक्त केले आहे.  

रिलायन्स राईट्स इश्यूचे बाजारात दणक्यात आगमन

एप्रिलच्या शेवटी रिझर्व्ह बॅंकेने म्युच्युअल फंडांसाठी ५०,००० कोटी रुपयांच्या विशेष चलन तरलतेची घोषणा केली होती. या क्षेत्रावरील रोकड उपलब्धतेसंदर्भातील दबावाला दूर करण्यासाठी आरबीआयने हे पाऊल उचलले होते.

ओव्हरनाईट फंडातून मागील महिन्यात १५,८८० कोटी रुपयांची गुंतवणूक काढून घेण्यात आली होती तर क्रेडिट रिस्क फंडातून ५,१७३ कोटी रुपयांची गुंतवणूक काढून घेण्यात आली होती. 

इंधन दरवाढीचा दणका सुरूच

याशिवाय मे महिन्यात गुंतवणूकदारांनी मध्यम कालावधीच्या फंडातून १,५२० कोटी रुपये आणि डायनामिक बॉंड फंडातून ७५ कोटी रुपयांची गुंतवणूक काढून घेतली आहे. त्याउलट गुंतवणूकदारांनी इक्विटी म्युच्युअल फंडांमध्ये ५,२५६ कोटी रुपयांची गुंतवणूक केली आहे. 

मे महिन्यात म्युच्युअल फंड योजनांमध्ये सर्वसाधारणपणे ७०,००० कोटी रुपयांची गुंतवणूक सर्व प्रकारात मिळून झाली आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: In May Debt fund saw the 46 percent surge with 63665 crores investment