Mukesh Ambani : मुकेश अंबानींची मोठी डील; कापड क्षेत्रातील 'ही' कंपनी घेतली विकत, गुंतवणूकदारांना...

मुकेश अंबानी यांनी आणखी एक मोठी कंपनी विकत घेतली आहे.
Mukesh Ambani
Mukesh Ambani Sakal

Mukesh Ambani Latest News : मुकेश अंबानी यांनी अनेक कंपन्यांमध्ये गुंतवणूक केली आहे. आता पुन्हा एकदा मुकेश अंबानी कर्जबाजारी असणाऱ्या कापड क्षेत्रातील कंपनीचे नशीब बदलणार आहेत. याबाबत एनसीएलटीकडून मंजुरी मिळाली आहे.

नॅशनल कंपनी लॉ ट्रिब्युनल (NCLT) ने रिलायन्स इंडस्ट्रीज आणि अॅसेट्स केअर अँड रिकन्स्ट्रक्शन एंटरप्राइझच्या संयुक्त बोलीला मंजुरी दिली आहे. एनसीएलटीच्या या निर्णयाचा कंपनीच्या गुंतवणूकदारांनाही मोठा फायदा होणार आहे.

शेअर बाजाराला माहिती देताना, सिंटेक्स इंडस्ट्रीजने सांगितले की, NCLT खंडपीठाने आदेश दिले आहेत की, रिलायन्स आणि ACRE ने सादर केलेल्या कर्ज निराकरण योजनेला मंजुरी देण्यात आली आहे.

सध्या सिंटेक्सचे शेअर्स 52 आठवड्यांच्या नीचांकी पातळीवर व्यवहार करत आहेत. रिलायन्स-एसीआरई योजनेमध्ये शेअर भांडवलात कपात आणि शून्य मूल्याच्या इक्विटी शेअर्सचे डिलिस्टिंग समाविष्ट आहे.

Mukesh Ambani
Online Pharmacy : Amazon, Flipkart सारख्या 20 कंपन्यांना सरकारकडून नोटीस; काय आहे प्रकरण?

रिपोर्टमधून मिळालेल्या माहितीनुसार, रिलायन्स आणि ACRE यांनी संयुक्तपणे सुमारे 3650 कोटी रुपयांचा प्रस्ताव ठेवला होता. त्याच वेळी, सिंटेक्स इंडस्ट्रीजच्या कर्जदारांनी संयुक्त बोलीच्या बाजूने मतदान केले.

दुसरीकडे, गेल्या वर्षी मार्च महिन्यामध्ये कंपनीच्या समस्या सोडवण्यासाठी एनसीएलटीची मदत घेण्यात आली होती.

कंपनीचे कर्ज किती आहे?

सिंटेक्स इंडस्ट्रीज विरुद्ध दिवाळखोरी प्रक्रिया एप्रिल 2022 मध्ये सुरू झाली. सध्या कंपनीवर 7500 कोटी रुपयांचे थकीत कर्ज आहे. बोली लावणाऱ्यांमध्ये वेलस्पन समूहाची फर्म इझीगो टेक्सटाइल्स, जीएचसीएल आणि हिमसिंगका व्हेंचर्स यांचा समावेश होता.

हेही वाचा : अल्पमतातील निवाडे आणि सामान्य माणूस

52 आठवड्यांच्या नीचांकी पातळीवर शेअर्स :

सिंटेक्स इंडस्ट्रीज लिमिटेडच्या कंपनीचा शेअर 2.30 रुपयांच्या पातळीवर व्यवहार करत आहे. या वर्षी कंपनीचा शेअर 52 आठवड्यांच्या नीचांकी पातळीवर व्यवहार करत आहे.

त्याच वेळी, या स्टॉकची 52 आठवड्यांची विक्रमी पातळी 11.45 रुपये आहे. गेल्या 6 महिन्यांत या शेअर्समध्ये 69.13 टक्क्यांची घसरण झाली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com