प्रेयसीला रात्री शेतात भेटायला बोलावले अन्...

boyfriend murdered girlfriend in chhattisgarh
boyfriend murdered girlfriend in chhattisgarh

रायपूर (छत्तीसगड): प्रेयसीला रात्री फोन करून शेतात भेटायला बोलावले. भेटीदरम्यान तिने विवाह ठरल्याचे सांगितले. प्रेयसीचा दुसऱया व्यक्तीसोबत विवाह होणार हे सहन झाले नाही. यावेळी दोघांमध्ये भांडण झाल्याने प्रियकराने प्रेयसीचा गळा दाबून खून केल्याची घटना येथे घडली आहे, अशी माहिती पोलिसांनी दिली.

पेड्रीतराई या गावामधील शेतामध्ये युवतीचा मृतदेह आढळून आला. यानंतर कुटुंबियांनी पोलिसांकडे तक्रार दाखल केली होती. पोलिसांनी तपास केल्यानंतर प्रियकराने तिचा खून निष्पन्न झाले. तिहारी (वय 18) हिचा खून केल्याप्रकरणी रोशन साहूला ताब्यात घेतले आहे.

पोलिसांनी दिलेल्या माहितीनुसार, तिहारी व रोशनमध्ये प्रेमसंबंध होते. रोशन दुसऱया गावामध्ये राहात होता. तिहारीच्या कुटुंबियांनी तिचा विवाह दुसऱया मुलासोबत ठरवला होता. रोशनने तिहारीला फोन करून तिच्या गावामध्ये असलेल्या शेतामध्ये रात्रीच्यावेळी भेटायला बोलावले. यावेळी तिने माझा विवाह ठरल्याचे सांगितले. विवाहाच्या मुद्द्यावरून दोघांमध्ये भांडण झाले. यावेळी रोशनने तिहारीचा गळा दाबून खून केला. खुनानंतर तो त्याच्या गावाला गेला. रोशनला ताब्यात घेतल्यानंतर त्याने खुनाची कबुली दिली. पुढील तपास सुरू आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com