स्वदेशी ‘कोव्हॅक्सिन’ देशभरात पोचली; दिल्लीसह ११ शहरांमध्ये लशींचे वितरण

हैदराबाद - कोरानाला रोखण्यासाठी भारतातील लसीकरण मोहिमेला शनिवार (ता.१६) पासून सुरुवात होणार असल्याने सर्वत्र लस वितरित केली जात आहे. सीरम इन्स्टिट्यूटच्या कोव्हिशिल्डनंतर भारत बायोटेकच्या कोव्हॅक्सिन लशींचे वितरण बुधवारी सकाळी ११ शहरांमध्ये झाले. कंपनीने सरकारला १६.५ लाख डोस मोफत दिले आहेत.

कोव्हॅक्सिन लशींची पहिली खेप सकाळी नवी दिल्लीत पोचली. हैदराबादमधील राजीव गांधी आंतरराष्ट्रीय विमानतळावरून आज सकाळी ६ वाजून ५० मिनिटांनी एअर इंडियाच्या विमानाने लशींच्या कुपींसह दिल्लीला उड्डाण केले. दिल्लीसह ११ शहरांमध्ये ही लस पोचली. हैदराबादहून लशींच्या तीन पेट्या दिल्ली विमानतळावर पोचल्या. त्यांचे वजन ८०. ५ किलोग्रॅम होते. संपूर्ण स्वदेशी असलेल्या कोव्हॅक्सिनची निर्मिती भारत बायोटेकने भारतीय आयुर्विज्ञान संशोधन संस्था आणि राष्ट्रीय विषाणू विज्ञान संस्था यांच्या मदतीने करण्यात आली आहे. 

हे वाचा -मुंडेच्या राजीनाम्याची मागणी ते कर्नाटकातला भ्रष्ट कारभार; देशविदेशातील घडामोडी एका क्लिकवर

कोरोनाला अटकाव करण्यासाठी सार्वजनिक भागीदारीतून पहिली भारतीय लस विकसित करण्यात यश आल्याने कंपनीने देश, वैद्यकीय चाचणीत सहभागी झालेले स्वयंसेवक आणि त्यांच्या भागीदार संस्थांबद्दल कृतज्ञता व्यक्त केली. 

हे वाचा - 350 आरोपी, 900 साक्षीदार; इटलीतल्या खटल्याकडं संपूर्ण जगाचं लक्ष

कोव्हॅक्सिनचे वितरण
केंद्र सरकारकडून ५५ लाख डोस खरेदीचा प्रस्ताव मिळाल्यानंतर लशींच्या कुपींची (प्रत्येत कुपीत २० डोस) पहिली खेप रवाना.

दिल्ली, पुणे, गन्नवरम, बंगलोर, कुरुक्षेत्र, गुवाहाटी, पाटणा, भुनवेश्‍वर, जयपूर, चेन्नई व लखनौला वितरण.

‘सार्स-सीओव्ही-२’ या नावाने ओळखली जाणाऱ्या या लशीचे दोन डोस अत्यंत परिणामकारक असल्याचा कंपनीचा दावा.

जगातील अत्यंत उच्च दर्जाच्या सुरक्षित वातावरणात निर्मिती.

आतापर्यंत ३० कोटी डोस तयार.

हे वाचा - चिंता नको, Whatsappचा डेटा सर्वरमधून डिलिट करता येतो; जाणून घ्या प्रोसेस