नरेंद्र मोदी मास्क वापरा अन् कोरोनाला पळवा...

भोपाळ (मध्य प्रदेश) : कोरोना व्हायरसपासून बचाव होण्यासाठी मास्क वापरला जातो. बाजारात वेगवेगळ्या प्रकारचे मास्क आले असून, नरेंद्र मोदी मास्क वापरा आणि कोरोनाला पळवा, असे विक्रेत्यांनी विक्रीमागचा फंडा सांगितला.

न्यूझीलंडने कोरोना मुक्तची घोषणा केली अन्...

कोरोनापासून बचाव करण्यासाठी सध्या मोठ्या प्रमाणात मास्कची मागणी वाढली असून, राज्यातील कपडा व्यावसायिकांनी याच पार्श्वभूमीवर नरेंद्र मोदींच्या चेहऱ्याचा मास्क बाजारात आणला आहे. या मास्कला लोकांकडून मोठ्या प्रमाणात मागणी आहे. मोदींच्या मास्कसोबतच मास्क खरेदी करणाऱ्यांना मुख्यमंत्री शिवराज सिंग चौहान, कमलनाथ यांचे पर्याय देखील बाजारात उपलब्ध आहेत.

सुशांतच्या वहिनीनेही सोडला प्राण...

एका विक्रेत्याने सांगितले की, 'पंतप्रधान नरेंद्र मोदी यांच्या प्रमाणेच मुख्यमंत्री शिवराज सिंग चौहान यांचा मास्कही नागरिकांची पसंती आहे. त्याचबरोबर आम्ही आमच्याकडे राहुल गांधी, कमलनाथ यांच्या चेहऱ्याचे मास्कही ठेवले आहेत. पण यासर्वात जास्त मागणी मोदींच्या मास्कला आहे.'

Video: पाकिस्तानच्या धर्मगुरुचा कोरोनाबाबत अजब दावा...

दरम्यान, केंद्रीय आरोग्य मंत्रालयाकडून कोरोनापासून संरक्षण करण्यासाठी सोशल डिस्टन्सिंगसोबत मास्क वापरणेही अनिवार्य असल्याचे वारंवार सांगितले जाते. कोरोनाचा फटका मध्य प्रदेशलाही बसला आहे. राज्यात आतापर्यंत कोरोनाचे 11 हजार रुग्ण सापडले असून, 465 जणांच्या मृत्यूची नोंद आहे.