Dawood Money Laundering Case : 'आम्ही हस्तक्षेप करू शकत नाही', SC चा मलिकांना दणका | Sakal
sakal

बोलून बातमी शोधा

Supreme Court Dismissed Nawab Malik Plea

'आम्ही हस्तक्षेप करू शकत नाही', SC चा मलिकांना दणका

नवी दिल्ली : दाऊद मनी लाँड्रींगप्रकरणी (Dawood Money Laundering Case) अल्पसंख्याक मंत्री नवाब मलिक (Nawab Malik) यांना सर्वोच्च न्यायालयाने दणका दिला आहे. तुरुंगातून सुटका करण्याची याचिका सर्वोच्च न्यायालयाने (Supreme Court) फेटाळली आहे. सध्या तपास सुरू आहे. आम्ही या टप्प्यावर हस्तक्षेप करू शकत नाही. तुम्ही दुसऱ्या न्यायालयात जावे, असं सर्वोच्च न्यायालयानं यावेळी म्हटलं आहे.

हेही वाचा: मंत्री नवाब मलिक यांना २२ एप्रिलपर्यंत न्यायालयीन कोठडी

दाऊद इब्राहीमचा माणूस आणि १९९३ च्या मुंबई बॉम्बस्फोटातील मास्टरमाईंडसोबत व्यवहार केल्याचा आरोप नवाब मलिकांवर आहे. ईडीने त्यांना फेब्रुवारी महिन्यात त्यांच्या घरातून ताब्यात घेतले होते. तब्बल ८ तास चौकशी केल्यानंतर त्यांना अटक करण्यात आली. त्यानंतर न्यायालयाने मलिकांना ईडी कोठडी सुनावली. सध्या मलिक न्यायालयीन कोठडीत आहेत. आज मलिकांची न्यायालयीन कोठडी संपत आहे. आज परत त्यांना न्यायालयात हजर केले जाईल.

मलिकांनी तुरुंगातून सुटका मिळावी यासाठी मुंबई उच्च न्यायालयात याचिका दाखल केली होती. पण, न्यायालयाने ही याचिका फेटाळून लावली. त्यानंतर मलिकांनी जामिनासाठी सर्वोच्च न्यायालयात धाव घेतली. पण, न्यायालयाने हस्तक्षेप करण्यास नकार देत मलिकांची याचिका फेटाळून लावली. ईडीने मलिकांविरोधात मुंबई न्यायालयात आरोपपत्र दाखल केले आहे. विशेष न्यायालय कागदपत्रांच्या पडताळणीनंतर आरोपपत्राची दखल घेईल, असं ईडीच्या वकिलांनी म्हटल्याचं वृत्त पीटीआयने दिलं आहे. गेल्या आठवड्यात मलिकांच्या आठ मालमत्ता ईडीने जप्त केल्या होत्या.

Web Title: Supreme Court Dismissed Nawab Malik Plea In Dawood Money Laundering Case

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Supreme Courtnawab malik
go to top