Sri Lanka|श्रीलंकेत नागरिक आक्रमक, सरकारविरोधात निदर्शने सुरुच

कोलंबो : श्रीलंकेची राजधानी कोलंबोत नागरिकांनी राष्ट्राध्यक्ष गोताबया राजपक्षे (Gotabaya Rajapakse) यांच्या राजीनाम्यासाठी सरकारविरोधात निदर्शने सुरु केली आहेत. यात तरुणाईचा सहभाग मोठ्या प्रमाणावर आहे. सध्या देश आर्थिक संकटात सापडला आहे. त्यामुळे नागरिकांमध्ये विद्यमान राजपक्षे सरकारविरोधात रोष आहे. सरकार जोपर्यंत पडत नाही, तोपर्यंत निदर्शन सुरुच राहिल. आम्ही येथे महिने, वर्षे थांबू. हा केवळ एका कुटुंबाचा विषय नाही, तर पूर्ण भ्रष्ट व्यवस्थेचा मुद्दा आहे, असे एका आंदोलकाने एएनआय वृत्तसंस्थेला सांगितले. (Sri Lankan Economic Crisis People Continue Their Protest Against Government)

हा लढा नैसर्गिक आहे. आम्ही लोकांच्या अपेक्षा पूर्ण करण्यासाठी संविधानिक प्रक्रियेत उपलब्ध असलेल्या सर्व पद्धतींचा वापर करणार आहोत. मी सर्व जागतिक नेते, संस्थांना आवाहन करतो, की श्रीलंकेला (Sri Lanka) जास्तीत-जास्त मदत करावी, असे श्रीलंकेतील विरोधी पक्षनेते सजिथा प्रेमदासा यांनी सांगितले. आमचे स्वतःचे संविधान आणि वेगवेगळ्या पद्धती आहेत.

पाकिस्तानकडे लोकशाही राजकारण चालवण्याची स्वतःची पद्धत आहे. आम्ही कशाचेही पालन करणार नाहीत. मात्र संविधानाचे पालन करणार असा शब्द प्रेमदासा यांनी दिले.