'मदतीच्या नावाखाली चित्रा वाघ राजकीय पोळी भाजून घेतात'

आरोप करून सनसनाटी निर्माण करण्याचं काम चित्रा वाघ करतात.
Chitra Wagh
Chitra Waghsakal

पुणे: रघुनाथ कुचिक प्रकरणातील पिडीतेने भाजप नेत्या चित्रा वाघ व त्यांच्या साथीदारांनीच आपल्याला कुचिक यांच्याविरुद्ध जबदस्ती गुन्हा दाखल करण्यास भाग पाडल्याचा आरोप केला आहे. यानंतर राजकिय वातावरण चांगलच तापलं आहे. दरम्यान,राष्ट्रवादी युवती संघटनेकडून चित्रा वाघ (Chitra Wagh) यांच्या विरोधात पुण्यातील बालगंधर्व चौकात आंदोलन करण्यात आले. यावेळी चित्रा वाघ यांच्यावर कारवाई करण्याची मागणी राष्ट्रवादीने (NCP) केली आहे. आरोप करून सनसनाटी निर्माण करण्याचं काम चित्रा वाघ करतात अशी टीका ही देखील आंदोलनकर्त्यांनी केली.

Chitra Wagh
PM पदावरून पायउतार झाल्यानंतर इम्रान खान यांची पेशावरमध्ये पहिली रॅली

अनेक राजकीय नेत्यांच्या विषयी आरोप करून सनसनाटी निर्माण करण्याचं, त्यांचे आयुष्य उध्वस्त करण्याचं काम चित्रा वाघ करत आहेत. मदतीच्या नावाखाली राजकीय पोळी भाजण्याचा प्रयत्न त्या करतात. प्रसिद्धीसाठी चित्रा वाघ स्टंट करतात हे अतिशय भयंकर असून, त्यांच्या या वागण्यामुळे राजकारणात, समाजकारणात काम करणाऱ्या महिलांची नामुष्की झाली आहे असाही आरोप राष्ट्रवादी युवती संघटनेकडून करण्यात आला.

Chitra Wagh
'महाराष्ट्राच्या राजकीय व्यासपीठावर नवा कॉमेडियन जन्माला आला'

चित्रा वाघ यांच्या वागण्यामुळे महिलांच्याकडे बघण्याचा दृष्टिकोन बदलेल असेही कार्यकर्त्या म्हणाल्या, राजकारणात अशा पद्धतीचे वर्तणूक, नेतागिरी त्यांनी करू नये अशीही विनंती यावेळी करण्यात आली. अजून किती मुलींच्या बाबतीत त्यांनी अशा पद्धतीची वर्तणूक केली आहे याचा तपास करण्याची तक्रार पोलिसांकडे आणि महिला आयोगाकडे करणार असल्याचेही कार्यकर्त्या म्हणाल्या.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com