महिला कुडमुडी ज्योतिषी, असे म्हणत चित्रा वाघ यांची सुप्रिया सुळेंवर टीका

मुंबई : राष्ट्रवादी काँग्रेस पक्षाच्या खासदार सुप्रिया सुळे यांनी मुंबई महानगरपालिका निवडणुकीबाबत भाकित वर्तवले आहे. मुंबईत शिवसेनेची सत्ता येईल व महापौर शिवसेनेचाच असेल, असे सुळे म्हणाल्या. यावर भारतीय जनता पक्षाच्या नेत्या चित्रा वाघ (Chitra Wagh) यांनी ट्विट करुन टीका केली आहे. मुंबईत पूर्वी पदपथावर पोपट घेऊन बसणारे कुडमुडे ज्योतिषी दिसत. हल्ली ते असे क्वचितच दिसतात. (Chitra Wagh Criticize Supriya Sule For Shiv Sena Rule In Mumbai Municipal Corporation)

त्यातही महिला कुडमुडी ज्योतिषी भेटणे म्हणजे मुंबईकरांची पूर्वजन्मीची पुण्याईच फळाला आली म्हणायची, अशा शब्दांमध्ये चित्रा वाघ यांनी सुप्रिया सुळे यांच्यावर टीका केली आहे.

सुप्रिया सुळे काय म्हणाल्या ?

सुप्रिया सुळे (Supriya Sule) यांनी आज धुळे येथे प्रसारमाध्यमांशी संवाद साधला. या प्रसंगी त्यांना मुंबई महापालिकेत सत्ता कोणाची येईल? तुम्हाला काय वाटत ? हे प्रश्न विचारण्यात आले. या प्रश्नांना उत्तर देताना सुळे म्हणाल्या. शिवसेनेचीच सत्ता मुंबईत येईल व शिवसेनेचाच महापौर होईल. मुंबई महापालिकेकडून कोरोना काळात चांगले काम झाले आहे, असे कौतुक त्यांनी केले.