गोगावलेंच्या विधानावर केसरकरांची सावरासावर; म्हणाले, 'यापुढे...' | Sakal
sakal

बोलून बातमी शोधा

deepak kesarkar

गोगावलेंच्या विधानावर केसरकरांची सावरासावर; म्हणाले, 'यापुढे...'

Deepka Kesarkar On Bharat Gogawale : एकनाथ शिंदे यांच्या बंडानंतर शिंदे गट आणि शिवसेनाचा वाद सुप्रीम कोर्टात पोहचला आहे. यावर आद्यापपर्यंत कोणताही तोडगा निघालेला नाही. मात्र, त्यापुर्वी शिंदे गटातील नेते भरत गोगावले यांनी एक विधानं केल्याने नव्या वादाला तोंड फुटले आहे. त्यांच्या या विधानावर शिंदे गटाचे प्रवक्ते दीपक केसरकर यांनी स्पष्टीकरण देत सावरासावर केली आहे.

हेही वाचा: राज ठाकरेंनी घेतली फडणवीसांची भेट; सागर बंगल्यावर खलबतं

सुप्रीम कोर्टातील संघर्ष पाच वर्षे चालेल तोवर धनुष्यबाण निशाणीवर आम्हीच निवडणून येऊ असा दावा शिंदे गटाचे प्रतोद भरत गोगावले यांनी केला होता. त्यांच्या या विधानानंतर आता केसरकरांनी सावरासावर करत कोर्टाच्या प्रक्रियेबाबत भाष्य करणं चुकीचं अस ल्याचे म्हणत हा वाद सावरण्याचा प्रयत्न केला आहे.

हेही वाचा: दसरा मेळाव्याच्या परवानगीसाठी सेनेकडून दोन पत्र, BMC सुद्धा संभ्रमात

केसरकर म्हणाले की, सुप्रीम कोर्टमध्ये किंवा कोणत्याही कोर्टामध्ये ज्यावेळी एखाद्या प्रकरणावर सुनावणी सुरू असते. त्यावेळी आमच्या पक्षाच्या कोणत्याही पदाधिकाऱ्याने किंवा आमदाराने कोणत्याही प्रकारचं विधान करायचं नाही हे आधीच निश्चित झालेलं आहे. त्याबाबत मुख्यमंत्री एकनाथ शिंदे यांनी सूचनादेखील दिल्या आहेत. मात्र, त्यानंतरही अनावधानाने गोगावले यांनी विधान केले आहे.

ते ज्याप्रमाणे बोललं आहेत तशी कोणतीही भूमिका पक्षाची नाही तसेच याबाबत कोणतही स्टेटमेंट पक्षाकडून देण्यात आलेले नाही. तसेच कोर्टातील प्रकरणांवर निकाल येण्यासाठी वेळ लागतो असे कोणतीही म्हणण आमच्या पक्षाचं नसल्याचे केसरकरांनी स्पष्ट केले आहे. तसेच यापुढे न्यायालयाच्या कामकाजाबद्दल शिंदे गटातील पदाधिकारी किंवा आमदार बोलणार नाही याची आम्ही काळजी घेऊ.

Web Title: Eknath Shinde Spock Person Deepak Kesarkar Reaction On Bharat Gogawale Statement

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..