Pasha Patel : माजी आमदार पाशा पटेलांना कॅबिनेट मंत्रिपदाचा दर्जा; पटेल म्हणाले, महायुतीनं माझ्यावर..

मुंबई : राज्य कृषी मूल्य आयोगाच्या (State Agricultural Commission) अध्यक्षांना मंत्रिपदाचा दर्जा देण्याचा शासन निर्णय मंगळवारी जारी करण्यात आला. त्यानुसार राज्य कृषी मूल्य आयोगाचे अध्यक्ष, माजी आमदार पाशा पटेल (Pasha Patel) यांना कॅबिनेट मंत्रिपदाचा (Cabinet Ministership) दर्जा मिळाला आहे.

पटेल म्हणाले, ‘‘या पदाचा वापर शेतकऱ्यांच्या हितासाठी करणार आहे. दिल्लीत शेतीविषयक मते मांडण्यासाठी योग्य पद हाती असायला हवे, अशी शेतीतज्ज्ञांची भूमिका होती. त्यामुळे दिल्लीत शेतकऱ्यांच्या समस्यांसाठी भांडू शकतो. महायुतीने (Mahayuti) माझ्यावर विश्वास ठेवल्याने मी आभारी आहे.’’

शेतकरी चळवळीतून पुढे आलेले आक्रमक नेते म्हणून पाशा पटेल यांची राज्यभरात ओळख आहे. महायुतीचे सरकार आल्यानंतर त्यांनी भाजपमध्ये प्रवेश केला होता. २०१७ मध्ये त्यांची राज्य कृषी मूल्य आयोगाच्या अध्यक्षपदी नियुक्ती करण्यात आली होती.