विद्यार्थ्यांसाठी महत्वाचं! पाचवी आणि आठवीची शिष्यवृत्ती परीक्षेची तारीख जाहीर

दरवर्षी स्कॉलरशीपची परीक्षा वर्षाच्या सुरूवातीला म्हणजे जानेवारी-फेब्रुवारी महिन्यात होते मात्र कोरोना संकटाच्या सावटामुळे राज्यात होणार्‍या शिष्यवृत्तीच्या परीक्षांचं वेळापत्रक कोलमडलं होतं. मात्र आता महाराष्ट्र राज्य परीक्षा परिषदेतर्फे पाचवी आणि आठवीची शिष्यवृत्ती परीक्षेची तारीख जाहीर करण्यात आली आहे. यंदा स्कॉलरशीपची परीक्षा 20 जुलै 2022 दिवशी होणार आहे. स्कॉलरशीप परीक्षेसाठी 30 एप्रिल 2022 पर्यंत अर्ज करता यईल तर शुल्क भरण्याची अंतिम मुदत 2 मे असणार आहे.

टीईटी गैरव्यवहारप्रकरणी सुरू असलेल्या पोलिस तपासामुळे आणि कोरोनामुळे शिष्यवृत्ती परीक्षा लांबणीवर पडली होती. मात्र आज अखेर यंदाच्या स्कॉलरशीप परीक्षेच्या तारखेची घोषणा केल्याने विद्यार्थ्यांना दिलासा मिळालाय. सोबतच महाराष्ट्र राज्य परीक्षा परिषदेतर्फे अर्ज करण्यासाठी दुसऱ्यांदा मुदतवाढ देखील जाहीर झाली आहे.

यंदा होणाऱ्या परीक्षेची जबाबदारी विनर कंपनीकडे दिली आहे. दहावी, बारावीच्या परीक्षा तसेच नुकताच उघडकीस आलेला टीईटी घोटाळा या पार्श्वभूमीवर हा निर्णय घेण्यात आला.

स्कॉलरशीपची परीक्षा भाषा, गणित आणि बुद्धिमत्ता चाचणी या प्रमुख 3 विषयाची असते. यामध्ये राज्यभरातून अव्वल येणार्‍या विद्यार्थ्यांना शिष्यवृत्ती दिली जाते. यामध्ये प्रामुख्याने बहुपर्यायी प्रश्नावली असते. सार्‍या विषयांच्या परीक्षा एकाच दिवशी घेतल्या जातात.