मला स्वराज्य घडवायचा... महाराजांची फोटो शेअर करत संभाजीराजेंची भावनिक पोस्ट

सध्या राज्यातील राजकीय वातावरण चांगलंच तापलंय. शिवसेनेनं दिलेला प्रस्ताव नाकारल्यांनंतर राज्यसभेच्या सहाव्या जागेसाठी संभाजीराजे छत्रपती अपक्ष म्ह्णून निवडणुकीच्या रिंगणात उतरलेत. भाजप आणि महाविकास आघाडीने त्यांना पाठिंबा न देण्याचा निर्णय घेतलाय, ज्यानंतर संभाजीराजे आणि त्यांचे समर्थक जास्तच आक्रमक झालेले पाहायला मिळत आहेत.(Sambhaji Raje Chhatrapati Twitter Post on Rajya Sabha Election)

नुकताच संभाजीराजे छत्रपती यांनी आपल्या ट्विटर अकाउंटवरून शिवाजी महाराजांच्या पुतळ्यासमोर नतमस्तक होतानाचा एक फोटो पोस्ट केला आणि जनतेला पाठिंबा देण्याचे आव्हान केले आहे. संभाजीराजे राजे यांनी लिहिलं कि, 'महाराज... तुमच्या नजरेतलं स्वराज्य मला घडवायचंय. मी कटीबद्ध असेन तो तुमच्या विचारांशी, मी बांधील असेन तो फक्त जनतेशी...'

दरम्यान, जरी भाजप आणि महाविकास आघाडीने संभाजीराजेंना पाठिंबा देण्याचं नाकारलं असलं तरी,मराठा संघटनांचा त्यांना भक्कम पाठिंबा मिळतोय. शिवसेनेनं संभाजीराजेंशी गद्दारी केल्याचा आरोप यावेळी संघटनांनी केलाय. यासंदर्भात काल २५ मे रोजी त्यांच्या समर्थकांनी सोशल मीडियावर एक पोस्ट सुद्धा व्हायरल केली होती. ज्यात म्हंटल होत कि, 'आता राज्यसभा नव्हे तर संपूर्ण राज्यच घेणार'. ही पोस्ट म्हणजे शिवसेनेला इशारा असल्याचं म्हंटल जातंय.