"...तर शरद पवार आता काशीचा घाट दाखवतील"

मुंबई : राष्ट्रवादी काँग्रेस (NCP) हा साडेतीन जिल्ह्यांचा पक्ष असल्याच्या देवेंद्र फडणवीस (Devendra Fadnvis) यांच्या वक्तव्यावर राष्ट्रवादी काँग्रेसचे राष्ट्रीय प्रवक्ते नवाब मलिक (Nawab Malik) यांनी भाष्य केलं आहे. यापूर्वीच शरद पवारांनी भाजपला कात्रजचा घाट दाखवलाय यापुढेही त्याचं असंच सुरु राहिलं तर काशीचा घाट दाखवतील, असं मलिक यांनी म्हटलं आहे. (Sharad Pawar has already shown Katraj Ghat to BJP now they will show Kashi Ghat says Nawab Malik)

मलिक म्हणाले, शरद पवार मुख्यमंत्री असताना देवेंद्र फडणवीस कधी विधानसभेत सदस्य म्हणून निवडून आलेले नाहीत. कालपर्यंत ज्यांच्या राज्यात २५-३० जागा निवडून येत होत्या ते पवारांवर भाष्य करत आहेत. याअगोदरही पवारांवर फडणवीस भाष्य करत होते, त्यावेळी काय झालं? असा टोलाही त्यांनी लगावला.

दरम्यान, शरद पवारांवर बोलणार्‍या देवेंद्र फडणवीसांना पवारांनी यापूर्वीच कात्रजचा घाट दाखवला होता आणि आताही ते बोलत राहिले तर त्यांना काशीचा घाट दाखवल्याशिवाय राहणार नाहीत, असं मलिक यांनी म्हटलं आहे.