अजय देवगन सोशल मीडियावर ट्रेंडिंगला, तब्बूबरोबरच फोटो होतोय व्हायरल

Ajay Devgn, Tabu Starr Bholaa Movie : अभिनेता अजय देवगन आज सोशल मीडियावर ट्रेडिंगला आहे. त्याने आपला नववा चित्रपट अभिनेत्री तब्बूबरोबर बनवला आहे. तब्बूने ट्विट करत म्हटले आहे, की आम्ही आमचा एकत्र केलेला ९ व्या चित्रपटाचे चित्रीकरण पूर्ण केले. तर अजय देवगन (Ajay Devgn) आणि तब्बू (Tabu) यांचा आगामी चित्रपट भोलाचे चित्रीकरण पूर्ण झाले आहे

हा चित्रपट तामिळ हिट कैथीचा हिंदी रिमेक आहे. तब्बूने इन्स्टाग्रामवर शुक्रवारी रात्री देवनगबरोबरचा सेटवरील फोटो शेअर केला आहे. ती कॅप्शनमध्ये म्हणते, पाहा, आम्ही एकत्र केलेला आमचा ९ व्या चित्रपटाचे चित्रीकरण पूर्ण केले. या दोन्ही कलाकारांनी पूर्वी विजयपथ (१९९४), हकिकत (१९९५), दक्षक (१९९९), द्रिश्यम (२०१५), गोलमाल अगेन (२०१७) आणि दे दे प्यार दे (२०१९) या चित्रपटांमध्ये एकत्र काम केले आहे. (Bollywood News)

आगामी द्रिष्यम २ यात दोघेही एकत्र काम करणार आहेत. भोला चित्रपटाचे (Bholaa Movie) दिग्दर्शन अजय देवगननेच केले आहे. अजय देवगन फिल्म्स, टी सीरिज फिल्म्स, रिलायन्स एंटरटेन्मेंट आणि ड्रिम वाॅरिअर पिक्चर या बॅनर खाली भोला चित्रपटाची निर्मिती केली आहे. यात देवगन हा मुख्य भूमिकेत आहे.