आलियानं लग्नात घातलेल्या सॅंडल्सची का रंगलीय चर्चा?

बॉलीवूड अभिनेता रणबीर कपूर(Ranbir Kapoor)आणि आलिया भट्ट(Alia Bhatt)च्या लग्नाती खूपच जास्त चर्चा रंगली होती. या लग्नाचे फोटो देखील जोरदार व्हायरल झाले होते. आलिया भट्टचा ब्रायडल लूक खूपच साधा असल्याकारणानं जास्त चर्चेत आला. नो वेडिंग मेकअप लूक आणि लाइटवेट साडीनंतर आता आलियाच्या पायातील सॅंडलचीही चर्चा रंगली आहे.

आलियानं आपल्या लग्नात नवीन सॅंडल विकत घेतल्याच नव्हत्या आणि नववधूच्या पेहरावात आलिया जुन्या सॅंड्लस घालून दिसली. लग्नाच्या दिवशी तिनं आपली जुनी कोल्हापुरी हिल्स घातली होती. वेडिंगस्पाराजी नावाच्या एका इन्स्टा अकऊंटवर केलेल्या पोस्टच्या माध्यमातून समोर आलं आहे की लग्नानंतर जेव्हा पहिल्यांदा आलिया घराबाहेर पडली तेव्हा तिनं त्याच वेडिंग सॅंडल्स घातल्या होत्या.

आपल्या लग्नाच्या खास दिवशी आलिया भट्टनं आपली जुनी कोल्हापुरी हील्स घातली होती,जी तिनं आपला सिनेमा 'गंगूबाई काठियावाडी' च्या प्रमोशननिमित्तानं घातली होती. ३.५ इंचाची ही सॅंडल स्टॉफस्टाइल ब्रॉंडनं डिझाईन केलेली आहे,याची किंमत फक्त ३,८०० रुपये आहे. एवढंच नाही तर अभिनेत्री या सॅंडलला घालून अनेक कार्यक्रमात दिसली आहे.

रणबीर आलियानं १४ एप्रिल २०२२ रोजी आपल्या घरी 'वास्तू' मध्ये लग्नगाठ बांधली होती. त्यांनी आपल्या त्या घरातील बालकणीत लग्न केलं,जिथे त्यांनी आपल्या नात्याची लग्नाआधीची पाच वर्ष घालवली. त्यांचे वेडिंग आऊटफिट्स खुपच सुंदर होते. दोघांनी आयवरी रंगाचा पेहराव घातला होता.