Brahmastra ने मोडले धूम-३ चे विक्रम, राजामौली-एनटीआरची मिळाली साथ

Brahmastra Box Office Collection And Ranbir Kapoor, Alia Bhatt Film Breaks Dhoom 3 Record : रणबीर कपूर-आलिया भटच्या 'ब्रह्मास्त्र'ने बॉक्स ऑफिसवर धुमाकूळ घातला आहे. केवळ हिंदी पट्ट्यातच नाही तर आंध्र प्रदेश/तेलंगणासारख्या तेलुगू राज्यांमध्येही या चित्रपटाने नवा विक्रम केला आहे.

सुरुवातीचे आकडे पाहता, चित्रपटाच्या प्रमोशनदरम्यान एस.एस. राजामौली आणि ज्युनियर एनटीआर यांच्या उपस्थितीने 'ब्रह्मास्त्र'ने (Brahmastra Movie) सीमोल्लंघन केले असल्याचे दिसते. स्थिती अशी की या चित्रपटाने बॉलिवूडचा परफेक्शनिस्ट आमिर खानच्या 'धूम ३' चित्रपटाचा नऊ वर्ष जुना विक्रम मोडीत काढला आहे.

दोन्ही चित्रपटांची कमाई जास्त

प्रसारमाध्यमांच्या वृत्तांनुसार, अयान मुखर्जीच्या चित्रपटाच्या तेलुगू व्हर्जनने आंध्र प्रदेश आणि तेलंगणासारख्या तेलुगू भाषिक राज्यांमध्ये चांगली कमाई केली आहे. प्राथमिक आकडेवारीनुसार, चित्रपटाने तेलुगू बॉक्स ऑफिसवर ४ कोटींचा व्यवसाय केला आहे. त्याचवेळी, आमिर खानच्या 'धूम ३' चित्रपटाबद्दल बोलायचे झाले तर, या हिंदी चित्रपटाने तेलुगू राज्यांमध्ये सुमारे दोन कोटींचे कलेक्शन केले होते.

धूम ३ चा हा विक्रम मोडायला रणबीर पिछाडीवर

दुसरीकडे, एकूण कलेक्शनबद्दल बोलायचे झाले तर, रणबीर कपूर (Ranbir Kapoor) - आलिया भट (Alia Bhatt) चित्रपट ब्रह्मास्त्रने पहिल्या दिवशी ३६ कोटींचा व्यवसाय केला आहे. हे कलेक्शन या वर्षी रिलीज झालेल्या सर्व चित्रपटांच्या ओपनिंग डे कलेक्शनपेक्षा जास्त असले तरी बॉलिवूडच्या ब्लॉकबस्टर चित्रपटांपेक्षा खूपच कमी आहे.

धूम ३ चे (Dhoom 3 ) उदाहरण घेतले तर आमिर खानच्या या चित्रपटाने पहिल्याच दिवशी ३६.२२ कोटींची कमाई केली होती. म्हणजेच ओपनिंग डेच्या बाबतीत रणबीर आमिर खानला (Aamir Khan) मात देऊ शकला नाही.

दोन्ही चित्रपटांची कमाई

चित्रपट धूम 3 ब्रह्मास्त्र

तेलुगु २ कोटी ४ कोटी

हिंदी ३३.४२ कोटी ३२ कोटी

एकूण ३६.२२ कोटी ३६ कोटी