KGF Star Yash : मुलगा स्टार तरीही बाप चालवतो बस

कन्नड फिल्म इंडस्ट्रीतील लोकप्रिय अभिनेता यशचा आज 37 वा वाढदिवस आहे. यश ने त्याच्या KGF या बहू चर्चित चित्रपटातून चांगलीच ओळख कमावली. देशाच्या कानाकोपऱ्यात या KGF स्टार यशचे फॅन्स आहेत. यातील त्याची रॉकीभाईची भुमिका तर प्रचंड गाजली.

देशाचा एक सुपरस्टार म्हणून ओळख असलेल्या यशचे आयुष्यही तितकेच रोमांचक आहे. यश हा एका सर्वसाधारण घरातून वाढलेला मुलगा होता. त्याचं फिल्मी करिअर जितकं संघर्षमय होतं तितकचं त्यांचं वैयक्तीक आयुष्यही संघर्षामय राहलं.

केजीएफ चित्रपटातून रेकॉर्ड ब्रेक कमाई करणारा आणि देशातील सर्वाधित कमाई करणाऱ्या चित्रपटापैकी एक असलेल्या या  चित्रपटामधील यशच्या अभिनयाचं अनेकांनी मनापासून कौतुक केलं. पण तुम्हाला माहिती आहे का या स्टारचे वडिल बस चालवतात. तुमचा विश्वास बसणार नाही पण हे खरंय. यशचे वडिल आधी बस चालवायचे पण आता मुलगा स्टार झाल्यावरही ते बस चालवतात.

यश हा चित्रपटामध्ये काम करण्यासाठी कोट्यवधी मानधन घेतो मात्र मुलगा एवढं कमावतो तरीही वडिलांनी कधी बस चालविण्याचा त्यांचा व्यवसाय सोडला नाही. याविषयी स्वत: KGF चे दिग्दर्शक एसएस राजामौली यांनी माहिती दिली होती. एसएस राजामौली म्हणाले होते की यशचे वडील हे बस चालक आहेत आणि ते आजही बस चालवतात. ते खरे स्टार आहे.

यशने नंदा गोकुला नावाच्या टीव्ही सीरियलमधून आपल्या करीअरला सुरवात केली होती. इथेच त्याची ओळख राधिका पंडीतसोबत झाली. दोघांमध्ये सुरवातीला मैत्री आणि नंतर हे दोघं एकमेकांच्या प्रेमात पडले. यशनं  2016 मध्ये राधिका पंडितसोबत लग्न केलं. यश आणि राधिकाला दोन मुलं असून ते नेहमी त्यांचे फोटो सोशल मीडियावर शेअर करत असतात.