Sushmita Sen ला 'गोल्ड' डिगर म्हटल्यावर प्रियंका चोप्रा भडकली,म्हणाली...

सुश्मिता सेन(Sushmita Sen) नेहमीच आपल्या लव्हलाइफमुळे चर्चेत राहिली आहे. पण ललित मोदी(Lalit Modi) सोबतचं प्रेमकरण मात्र तिला भलतंच महाग पडतंय, लोक तोंडाला येईल ते बोलत सुटलेयत. सोशल मीडियावर तर तिला वाईट पद्धतीनं ट्रोल केलं जात आहे. कितीतरी लोकांनी सुश्मिताला 'गोल्ड डिगर' म्हणत तिची खिल्ली उडवली आहे. सुष्मिता सेनला ट्रोल केल्यानंतर मात्र तिच्या समर्थनार्थ प्रियंका चोप्रा(Priyanaka Chopra) पुढे आली आहे.(Priyanka Chopra reacts after netizens call Sushmita Sen 'gold digger')

सुश्मिताला लोकांनी 'गोल्ड डिगर' म्हटल्यावर तिनं देखील चांगल्याच शब्दात ट्रोलर्सचा समाचार घेतला, तिनं एक लांबलचक पोस्ट लिहित आपला द्वेष करणाऱ्या ट्रोलर्सना चांगलंच फटकारलं. प्रियंकाने सुश्मिताच्या या पोस्टच्या कमेंट बॉक्समध्ये लिहिलं आहे, ''Tell em queen!''. प्रियंका व्यतिरिक्त नेहा धुपिया,रणवीर सिंग,सुनिल शेट्टीसोबत आणखी काही सेलिब्रिटींनी सुश्मिताच्या पोस्टवर कमेंट करत तिला पाठिंबा देत तिच्या प्रती असलेलं प्रेम,आपुलकी जाहिर केली आहे.

सुश्मिता सेनने आपल्या नव्या पोस्टमध्ये 'गोल्ड डिगर' म्हणणाऱ्यांची बोलती बंद केली आहे. सुश्मिताने मालदीव हॉलिडेवर असताना मोनोकनीत आपले सुपर हॉट फोटो शेअर करत ट्रोलर्सवर कडक शब्दात पलटवार केला आहे. तिनं कॅप्शनमध्ये लिहिलं आहे,''माझं अस्तित्व आणि सद्सदविवेक बुद्धीशी मी पूर्णपणे आत्मकेंद्रित आहे. आपल्या सभोवतालची सृष्टी आपल्या सगळ्यांना तिच्यात सामावून घेते. मात्र आपण निसर्गाचा हा समतोल बिघडवतो. आपल्या आजुबाजूचं जग कसं आनंदी नाही आणि दुःखी आहे हे पाहून मन अस्वस्थ होतं. स्वतःला बुद्धिजीवी म्हणवून घेणारे मुर्ख जे गलिच्छ शब्दात कमेंट करतात त्यांना मी दुर्लक्षित करते. हे लोक ना माझे ओळखीचे, ना मित्रपरिवारातले. असे लोक माझ्याबद्दल एकदम मोठमोठाले शब्द,माझ्या चारित्र्याविषयी त्यांना असलेली महत्त्वाची गहन माहिती शेअर करताना दिसतायत. मला 'गोल्ड डिगर' म्हणतायत. खूपच हुशार आहेत हे सगळे''.

अभिनेत्रीनं पुढे लिहिलं आहे, ''मी सोन्यापेक्षा जास्त हिऱ्याच्या प्रतिक्षेत आहे. मी नेहमीच हिऱ्याला माझ्या आयुष्यात प्राधान्य दिलं आहे. ज्याच्यासाठी मी प्रसिद्ध देखील आहे. आणि आजही माझ्यासाठी मीच हिरे खरेदी करते''.

आपल्या या पोस्टमध्ये सुश्मिता सेनने आपल्याला पाठिंबा देणाऱ्या चाहत्यांचे आभार देखील मानले आहेत. सुश्मितानं हे देखील सांगितलं आहे की तिच्याविरोधातल्या या वादग्रस्त वादळानंतरही ती एकदम ठीक आहे. तिला या अशा ट्रोलिंगचा काहीच फरक पडत नाही.

ललित मोदीला डेट करण्याआधी सुश्मिता सेन रोहमन शॉलसोबत रिलेशनशीपमध्ये होती. परंतु रोहमन सोबत तीन वर्षानंतर तिनं ब्रेकअप केलं. सुश्मिता-रोहमनच्या जोडीला चाहत्यांचे भरपूर प्रेम मिळाले. पण आता दोघंही आपल्या आयुष्यात पुढे निघून गेले आहेत.