रामाची भूमिका करणाऱ्या अरुण यांनी जेव्हा ओढली सिगारेट, त्यानंतर... | Ramayan serial Ram fame Arun Govil smoking habit | Sakal
sakal

बोलून बातमी शोधा

रामाची भूमिका करणाऱ्या अरुण यांनी जेव्हा ओढली सिगारेट, त्यानंतर...
रामाची भूमिका करणाऱ्या अरुण यांनी जेव्हा ओढली सिगारेट, त्यानंतर...

रामाची भूमिका करणाऱ्या अरुण यांनी जेव्हा ओढली सिगारेट, त्यानंतर...

रामानंद सागर व्दारा (Ramanand Sagar Ramayana) निर्मित धार्मिक मालिका रामायण ( Ramayana) सर्वांना माहिती आहे. त्याला त्यावेळी प्रेक्षकांचा मोठा प्रतिसाद मिळाला होता. 80 ते 90 च्या दशकांत या मालिकेनं चाहत्यांना आपलेसं केलं होतं. खासकरुन 90 च्या दशकात रामायण आणि महाभारत (Ramayana and Mahabharta) मालिकेनं प्रेक्षकांचं प्रबोधन केलं असं म्हटलं जातं. या मालिकेत काम करणाऱ्या कलावंतांची लोकप्रियताही नेहमीच चर्चिली जाते. रामायण मालिकेत काम करणाऱ्या वेगवेगळ्या कलाकारांची चर्चा होत असते. त्यात रामाची भूमिका करणाऱ्या अरुण गोविल (Arun Govil) यांची भूमिका त्यावेळी कमालीची गाजली होती. आज त्यांचा जन्मदिन आहे.

अरुण गोविल (Arun govil) यांनी एका मुलाखतीमध्ये आपल्याला सिगारेट (Smoking) ओढणं किती महागात पडलं होतं. हे सांगितलं होतं. त्या प्रसंगावरुन आपल्याला चाहते कशाप्रकारे फॉलो करतात. ते किती प्रेम करतात हे लक्षात आले. याची आठवण गोविल यांनी सांगितली होती. 1987 मध्ये डीडी नॅशनलवर सर्वाधिक लोकप्रिय असणारी मालिका म्हणून रामायणचे नाव घेता येईल. त्यावेळी त्या मालिकेचे दहा कोटी प्रेक्षक होते. वाल्मिकी रामायण आणि तुलसीदास यांच्या रामचरितमानसवर आधारित या मालिकेतील कलाकारांना प्रेक्षकांनी नेहमीच फॉलो केलंय.

हेही वाचा: 'सध्याच्या चितेंच्या वातावरणात हेच क्षण..'; मुलीच्या वाढदिवसानिमित्त अजय देवगण भावूक

त्या मालिकेमध्ये काम करणाऱ्या कलावंतांना लोकांनी देवाचा दर्जा बहाल केला होता. 12 जानेवारी 1958 रोजी जन्म झालेल्या अरुण गोविल यांनी त्या मालिकेमध्ये रामाची भूमिका साकारली होती. त्या मालिकेच्या शुटिंग सेटवर घडलेली गोष्ट आजही सांगितली जाते. ती म्हणजे अरुण गोविल हे कपिल शर्माच्या शो मध्ये आले होते. त्यावेळी त्यांनी एक किस्सा शेयर केला. गोविल म्हणाले, मी तेव्हा फार सिगारेट ओढायचो. शुटिंगमध्ये जेव्हा ब्रेक मिळेल तेव्हा सिगारेट ओढायचो. एकदा लंचला जाण्यापूर्वी मला सिगारेट ओढण्यापूर्वी एकानं मला पाहिले. तो माझ्यावर चिडला होता. त्यानं मला अरेरावीच्या भाषेत सांगितलं. त्याला मी जे काही करत होतो ते आवडलं नव्हतं. आम्ही तुम्हाला देव मानतो आणि तुम्ही असं करता. ते ऐकल्यावर मी पुन्हा कधीही सिगारेट हात लावला नाही.

हेही वाचा: न्यासा देवगणची बॉलीवूड एन्ट्री ठरली; तिच्या बोल्ड फोटोनी दिले संकेत..

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top