आलिया-रणबीरचं रीसेप्शन मुंबईत पंचतारांकित हॉटेलात; बुकिंग डीटेल्स कळाल्या

रणबीर कपूर(Ranbir Kapoor) आणि आलिया भट्ट(Alia Bhatt) हे काही मोजक्याच आप्तेष्टांच्या आणि मित्र परिवाराच्या उपस्थितीत लग्नगाठ बांधणार आहेत. त्यामुळे अर्थातच या दोघांनी बॉलीवूडकरांसाठी वेगळं ग्रॅंड रीसेप्शन ठेवलं आहे. या रीसेप्शनला कोण-कोण असणार याची एक लिस्टही लीक झाली आहे. त्यात करण जोहर,शाहरुख खान, हृतिक रोशन,राणी मुखर्जी,कतरिना कैफ,सिद्धार्थ मल्होत्रा,अर्जुन कपूर,आदित्य रॉय कपूर,वरुण धवन आणि अजुनही बऱ्याच नावांचा समावेश असण्याची शक्यता आहे.

पिंकव्हिला वेबसाईला सूत्रांकडून मिळालेल्या माहितीनुसार रणबीर आणि आलियानं रीसेप्शनसाठी मुंबईतील ताज महल पॅलेसची निवड केली आहे. हे रीसेप्शन १७ एप्रिल रोजी ठेवण्यात येणार आहे. लग्नानंतर आलिया आणि रणबीर शूटिंगमध्ये बिझी असतील त्यामुळे रीसेप्शन लग्नानंतर लगेच ठेवल्याचं बोललं जात आहे. दोन दिवसांपूर्वीच या दोघांना ताजमध्ये रात्री बूकिंगसाठी जाताना पाहिलं गेलंय. ज्याच्या बुकिंग डीटेल्सही कळाल्या आहेत.

रणबीर आपल्या काही खास मित्रांना बॅचलर पार्टीही देणार आहेत. ज्या पार्टीत बॉलीवूडमधीलही त्याच्या खास मित्रांचा समावेश असेल. ही पार्टी १६ तारखेला रात्री होणार असल्याचं बॉम्बे टाईम्स वृत्तपत्रानं सूत्रांनी दिलेल्या माहितीच्या आधारे सांगितलं आहे. या पार्टीत आलिया-रणबीर त्यांच्या काही खास ५० मित्रांसोबत धमाल करणार आहेत.