Ranveer Singh Bold Photoshoot: रणवीरचा जवाब नोंदवला!, दोन तास चौकशी

Ranveer Singh Photoshot : अभिनेता रणवीर सिंग याने नुकतेच एका मासिकाच्या कव्हरसाठी बोल्ड फोटोशूट केला असल्याच्या विरोधात चेंबूर येथील एका संस्थेने चेंबूर पोलीस ठाण्यात २५ जुलै रोजी गुन्हा दाखल केला होता. त्यानुसार त्याला आज सोमवारी (ता.२९) चौकशी करिता बोलविण्यात आले. तब्बल दोन तास चौकशी करण्यात आली.

रणवीर सिंग (Ranveer Singh) याने इंस्टाग्रामवर व ट्विटर अकाऊंटवर त्याचे बोल्ड फोटो शेअर केले होते. रणवीर याने तरुण वर्गास नीतीभ्रष्ट करण्याचा व समाज बिघडवण्याचा प्रयत्न सुरू केलेला आहे. यामुळे समाजातील महिलांमध्ये मोठ्या प्रमाणात लज्जा निर्माण झाल्याचा आरोप चेंबूर येथील एका संस्थेने रणवीर सिंग याच्यावर चेंबूर पोलीस ठाण्यात २५ जुलै रोजी गुन्हा नोंद केला होता.

त्यानुसार त्याला २२ ऑगस्ट रोजी चौकशी करीता हजर राहण्यास सांगितले होते. परंतु त्याने मुदतवाढ मागितली होती. त्यानुसार चौकशी करिता आज सोमवारी २९ ऑगस्ट रोजी चेंबूर पोलीस ठाण्यात सकाळी ठीक ७ ते ९ वाजण्याच्या सुमारास येऊन (Bollywood News) आपले दोन तास जबाब नोंदविला. पुन्हा गरज लागल्यास रणवीरला बोलविण्यात येईल, असेही अधिकाऱ्यांनी सांगितलंय.