Richa chadha: 'लष्कराचा अपमान करणाऱ्याला हा देश...',रिचा विरोधात चित्रपट निर्माते अशोक पंडितांची तक्रार

Richa chadha: बॉलीवूडची प्रसिद्ध अभिनेत्री रिचा चढ्ढा हिच्या एका ट्वीटने खळबळ उडवून दिली आहे. रिचा चढ्ढानं गलवान संदर्भात एक ट्वीट केलं होतं. त्यावरून खूप वाद निर्माण झाला तसंच तिच्यावर चारही बाजूंनी टीका होत आहे. इतकंच नाही तर तिच्याविरोधात दिल्ली पोलिसांकडे तक्रारही दाखल झाली आहे.(Filmmaker Ashok Pandit files complaint against Richa Chadha)

या टीकेनंतर रिचानं ते वादग्रस्त ट्वीट डिलीट केलं तसंच याप्रकरणी तिनं भारतीय लष्काराची आणि सर्व सैनिकांची माफी मागितली आहे. माफीनाम्यात रिचानं सैनिकांचा अपमान करण्याचा हेतू नसल्याचं सांगितलं. पण रिचाला हे ट्विट अंगाशी आल आहे. रिचा सोशल मीडियावरही ट्रोल झाली आहे. बॉलीवूडमधील अनेक सेलिब्रेटींनी तिला चांगलेच सुनावले आहे.

हेही वाचा: मुदत ठेवीच्या मुद्दलातून टीडीएस कपात? इथे करा तक्रार....

रिचा चढ्ढान गलवान संदर्भात केलेल्या टिप्पणीबद्दल अक्षय कुमार, के.के.मेनन यांनी नाराजगी व्यक्त केली. रिचाला खडेबोल सुनावले .तर चित्रपट निर्माते अशोक पंडित यांनी गुरुवारी रिचा चढ्ढा विरुद्ध मुंबईतील जुहू पोलीस ठाण्यात तक्रार दाखल केली आणि तिच्याविरुद्ध एफआयआर नोंदवण्याची विनंती केली. बॉलिवूड सेलिब्रिटींना बोलण्याचे आवाहन केले आहे.

अशोक पंडित यांनी म्हटले आहे की, 'एक जबाबदार नागरिक स्वतःला म्हणवून घेत आपल्या सुरक्षा रक्षकांना शिवीगाळ करण्याची आणि त्यांची खिल्ली उडवण्याची ही वृत्ती चांगली नाही. जेव्हा मी ट्वीट वाचले तेव्हा एखाद्या जवानाचा जेव्हा मृतदेह त्याच्या कुटुंबाच्या समोर येतो... आणि तेव्हा जी परिस्थिती असते... रडणे, ओरडणे आणि किंचाळणे... हे सारं दृश्य माझ्या नजरेसमोर आलं. तुम्ही सेलिब्रेटी आहात म्हणून जवानांची खिल्ली उडवू शकत नाही, ते जवान देशाचे संरक्षण करतात म्हणून आपण जिवंत आहोत. तुम्ही त्यांची चेष्टा करू शकत नाही" . अशोक पंडित यांनी ट्वीटरवर महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना आपलं ट्वीट टॅग केलं आहे.

इतकेच नव्हे तर अशोक पंडित यांनी रिचा चढ्ढाला बॉलीवूडमधून बॉयकॉट करा ही मागणी केली आहे. रिचाने भले माफी मागितली पण ती आता पळून जाऊ शकत नाही,असं देखील ते म्हणाले.