अर्पिताने सलमानला दिलं सगळ्यात स्पेशल 'बर्थडे गिफ्ट'!

'दबंग खान', 'भाईजान' अशी बिरुदं मिरवणाऱ्या सलमान खानचा आज 54 वाढदिवस. हा वाढदिवस त्याचे चाहते मोठ्या उत्साहात साजरे करत आहेत. मात्र, आता सलमान आणि त्याच्या कुटुंबियांनी चाहत्यांसाठी आणखी एक आनंदाची बातमी दिली आहे. 

- ताज्या बातम्यांसाठी डाऊनलोड करा ई-सकाळचे ऍप

याचे खास कारण म्हणजे, सलमानची बहिण अर्पिताला कन्यारत्न झाले आहे. अर्पिता दुसऱ्यांदा आई झाली आहे. अर्पिता आणि तिचा पती आयुष शर्मा यांना अहिल नावाचा एक मुलगा आहे. अर्पिताला झालेल्या कन्यारत्नाचं नाव आयत असं ठेवण्यात आलं आहे. 

- Happy Birthday Salman : भाईजानच्या बर्थडेचा थाट बघाच...

अर्पिताने तिच्या भाईजानला वाढदिवसाच्या दिवशी हे खास गिफ्ट दिल्याने वाढदिवसाचा माहोलच पूर्ण बदलला आहे. या बाळाच्या येण्यामुळे पूर्ण खान आणि शर्मा कुटुंब आनंदाने न्हाऊन निघालेलं पाहायला मिळालं. 

- Video : हवा करण्यासाठी धुरळा चित्रपट सज्ज!

सलमानचा वाढदिवस काल रात्री घरगुती पद्धतीने साजरा केल्यानंतर अर्पिताला आज सकाळी 8 वाजता हिंदुजा हॉस्पिटलमध्ये दाखल करण्यात आलं होतं. यावेळी अर्पिताचा पती आयुष आणि कुटुंबातील सर्व प्रमुख मंडळी त्याठिकाणी हजर होते. मुलगी झाल्यानंतर आयुष आणि अर्पिताने सर्व चाहते आणि प्रसार माध्यमांचे आभार मानले. तुम्ही दिलेल्या प्रेमाबद्दल आम्ही आभारी आहोत, असं त्यांनी म्हटलं आहे. 

- Video: रितेश-जेनेलियाचा रोमँटिक अंदाज तुम्ही एकदा बघाच!

दरम्यान, अर्पिता प्रेग्नंट असल्यामुळे भाईजान सलमान खानने त्याचा वाढदिवस पनवेल येथील फार्महाऊसवर साजरा न करता त्याचा भाऊ सोहेलच्या वांद्रे येथील घरी साजरा करण्याचे ठरवले होते. त्यानुसार त्याने आपला वाढदिवस कुटुंबियांसोबतच साजरा केला.