Sooryavanshi Trailer : 'आ रही है पोलिस' म्हणत सूर्यवंशी, सिंघम, सिंबाचा दंगा

गेली काही दिवसांत चर्चा आहे ती फक्त 'सूर्यवंशी' चित्रपटाची. अक्षय कुमार, अजय देवगण रणवीर सिंग या तिघांचा अभिनय आणि रोहित शेट्टीचे दिग्दर्शन म्हणजे आणखी काही सांगायलाच नको! आज अखेर बहुप्रतिक्षीत 'सूर्यवंशी'चा ट्रेलर रिलीज झाला आणि काही क्षणात या भन्नाट ट्रेलरने सोशल मीडियावर धुमाकूळ घातला आहे. 'पोलिस आ रही है' सूर्यवंशी, सिंघम आणि सिंबा यांनी ट्रेलरमध्ये हवा केली आहे.

'सूर्यवंशी'च्या सेटवर अक्षय कुमार-रोहित शेट्टीमध्ये हाणामारी; व्हिडिओ पाहिला का?

मुंबईवर दहशतवादी हल्ला होणार असे समजताच डिसीपी वीर सूर्यवंशी या हल्ल्याची माहिती व शोध घ्यायला सुरू करतो. या हल्ल्याची तयारी कुठे सुरू आहे, कोण कोण यात सहभागी आहे, मागील दहशतवादी हल्ल्यांचा या हल्ल्याशी काय संबंध असा सर्व प्रकारचा शोध घ्यायला सूर्यवंशी बाहेर पडतो. मुंबईवर खूप मोठ व भायनक हल्ला होणार याची खात्री झाल्यावर तो सिंघम (अजय देवगण), संग्राम भालेराव अर्थात सिंबा (रणवीर सिंग) यांना बोलवतो व तिघंच जण मिळून दहशतवाद्यांचा खात्मा करतात. 

अन् कतरिना चक्क कचरा काढू लागली, पाहा व्हिडीओ

सूर्यवंशीमध्ये प्रमुख नायिकेच्या भूमिकेत कतरिना कैफ आहे. तिने अक्षयला भक्कम साथ देत पुन्हा एकदा आपल्या अभिनयाची चुणूक दाखवली आहे. याशिवाय जॅकी श्रॉफ, जावेद जाफ्री यांच्या मुख्य भूमिका सूर्यवंशीमध्ये आहेत.

अक्षय कुमार वसवणार ट्रान्सजेंडर्ससाठी घरं!

रोहित शेट्टीचे दिग्दर्शन, करण जोहरची निर्मिती आहे. संवादाचे परिणाम ट्रेलरमध्ये हवा तेवढा दिसत नसला तरी चित्रपटात संवाद टाळ्या मिळवतील अशी आशा आहे. २४ मार्चला सूर्यवंशी रिलीज होईल. 

ताज्या बातम्यांसाठी डाऊनलोड करा ई-सकाळचे ऍप