Shikha Singh: कुमकुम भाग्य फेम शिखा सिंग गेल्या काही दिवसांपासून मानसिक स्वास्थ बिघडल्यानं त्रस्त आहे. अभिनेत्रीनं सोशल मीडियावर एक भावूक व्हिडीओ शेअर केला आहे ज्याला पाहिल्यानंतर तिची मानसिक अवस्था पटकन लक्षात येत आहे.
शिखानं या व्हिडीओच्या माध्यमातून आपल्या मनातील भावना शेअर केल्या आहेत. आई बनल्यानंतर शिखा टी.व्ही इंडस्ट्रीपासून दूर आहे.
आता व्हिडीओला पाहून असं वाटत आहे की शिखा देखील आई बनल्यानंतर तिचं करिअर आणि वैयक्तिक आयुष्याविषयी चिंतित आहे. चाहते तिला अशा अवस्थेत पाहून मात्र काळजीत पडलेयत. (TV Actress Shikha Singh Mental health not good video viral)
शिखा सिंगनं इन्स्टाग्रामवर रडतानाचा व्हिडीओ शेअर केला आहे,ज्यात ती म्हणताना दिसत आहे की,''काही दिवसांपासून मी पाहतेय मी जशी होते तशी मी आता नाही राहिले. मला मी स्वतःच हरवल्यासारखी वाटतेय..''
शिखाच्या या व्हिडीओला पाहून तिचं मानसिक स्वास्थ्य नीट नाही हे पटकन लक्षात येतंय. शिखा खूप चिंताग्रस्त दिसत आहे.
अभिनेत्रीनं यानंतर आणखी एक व्हिडीओ शेअर केला ज्यात ती सकाळी-सकाळी आपल्या मुलीवर प्रेमाचा वर्षाव करताना दिसत आहे. शिखानं आपल्या सध्याच्या अवस्थेवर उपचार म्हणून आपली मुलगीच बेस्ट थेरपी आहे असं म्हटलं आहे.
व्हिडीओ शेअर करत तिनं लिहिलं आहे की-''मी हे जाणून घेण्याचा प्रयत्न करत आहे की माझ्यासोबत काय चुकीचं घडतंय. मी आभारी आहे की माझ्यावर प्रेम करणारे तुमच्यासारखे माझे चाहते माझ्यासोबत आहेत. देवाचे मी यासाठी खूप आभार मानते. मला हे माहितीय की अशा मेडिकल कंडिशनमधनं जाणारी मी एकटीच नाही. माझ्यासारखं अनेकांचे मानसिक स्वास्थ बिघडलेले असेल.पण अशावेळी धैर्यानं गोष्टी हाताळणं गरजेचं आहे. एक गोष्ट लक्षात ठेवा की प्रत्येक गोष्टीची एक वेळ असते आणि आपली चांगली वेळ कधीतरी येतेच''.
हेही वाचा: हिंडेनबर्ग अहवालात तथ्य की ते भारताविरुद्धचे कारस्थान?
तुम्हाला माहितीसाठी इथं सांगतो की या व्हिडीओला पाहिल्यानंतर शिखाचे चाहते आणि सोबत काही कलाकारांनी तिच्यासाठी चिंता व्यक्त केली आहे. प्रत्येकजण शिखाच्या मानसिक स्वास्थाविषयी काळजी व्यक्त करताना दिसत आहे.
मृणाल ठाकुरनं लिहिलं आहे की-'पण तुला माहित आहे नं आम्ही तुझ्यावर किती प्रेम करतो'. अली गोनीनं देखील शिखाच्या पोस्टवर कमेंट करत तिला मानसिक आधार दिला आहे.
शिखानं २०१६ साली पायलट करण शाह सोबत लग्न केलं होतं. त्यानंतर शिखानं आपली मुलगी अलायनाला जन्म दिला. शिखा आई बनल्यानंतर खूप काळ मालिकाविश्वापासून दूर आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.