
मुंबई ः हिंदी चित्रपटसृष्टीत सिक्स पॅक्सला खूपच महत्त्व आलेले आहे. कारण हिंदी चित्रपटसृष्टीतील हिरो म्हटलं की त्याची पिळदार शरीरयष्टी ही असायलाच हवी आणि त्या दृष्टीने अनेक अभिनेते प्रयत्न करीत असतात. हिंदीबरोबरच मराठी चित्रपटसृष्टीतील कलाकार मंडळी सुद्धा असे पिळदार शरीर राखण्यात मागे नाहीत.
आतापर्यंत विविध प्रकारच्या भूमिका करणारा अभिनेता देवदत्त नागे म्हणजेच आपल्या सगळ्यांचा लाडका 'डॉक्टर डॉन' याला व्यायामाची खूप आवड आहे हे सगळ्यांना ठाऊक आहे. बॉलीवूडमधील अनेक अभिनेत्यांच्या तोडीसतोड शरीरयष्टी त्याने बनविली आहे. 'झी युवा' वाहिनीवरील, 'डॉक्टर डॉन' या मालिकेत, त्याची आखीवरेखीव आणि मजबूत शरीरयष्टी आपण सर्वांनीच पाहिली आहे. त्यासाठी तो घेत असलेली मेहनत, सर्व तरुणांच्या चर्चेचा आणि प्रेरणेचा विषय ठरते.
सध्या देवदत्तचा एक फोटो इन्स्टाग्रामवर खूपच व्हायरल झाला आहे. देवदत्त सतरा वर्षांचा असतानाचा एक फोटो यात पाहायला मिळत आहे. त्याचबरोबरीने, पिळदार शरीर असलेला सध्याचा फोटो सुद्धा पाहायला मिळतो आहे. मेहनत घेतल्यामुळे त्याच्या सुदृढ शरीराला मिळालेलं पिळदार स्वरूप हे तरुणांसाठी नवी प्रेरणा ठरली आहे.
देवदत्तने हे फोटो टाकून आजच्या तरुणांना सकारात्मक संदेश देण्याचा प्रयत्न केला आहे. सतराव्या वर्षी, उंच आणि काहीसा सडपातळ असलेला देवदत्त नागे, याचा सध्याचा शारीरिक बांधा बघून, भले भले आश्चर्यचकित होतात. देवदत्तने अपार मेहनत घेऊन हे शरीर कमावले आहे. देवदत्तचे जुना अर्थात सतरा वर्षांचा असतानाचा फोटो आणि आताचा फोटो पाहून आपणसुद्धा पिळदार शरीरयष्टी कमावू शकतो, असे अनेक तरुणांना वाटू लागले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.