मराठवाड्याचे भूमिपुत्र 'उचल्या'कारांचा संमेलनाला विसर

उत्कर्षा पाटील
शुक्रवार, 10 जानेवारी 2020

संत गोरोबा काका साहित्य नगरी (उस्मानाबाद) - मराठवाड्याचे भूमिपुत्र 'उचल्या'कार ज्येष्ठ साहित्यिक लक्ष्मण गायकवाड यांचा साहित्य संमेलनाच्या आयोजकांना विसर पडला. गायकवाड यांनी शोषित, वंचितांच्या वेदना ज्यांनी आपल्या साहित्यातून मांडून त्यांचे वास्तव जगासमोर आणले. लक्ष्मण गायकवाड यांच्या जन्मगावी म्हणजेच उस्मानाबाद येथे सुरू असलेल्या अखिल भारतीय मराठी साहित्य संमेलनाचे साधे निमंत्रणही देण्यात आले नाही अशी, खंत गायकवाड यांनी व्यक्ती केली.

संत गोरोबा काका साहित्य नगरी (उस्मानाबाद) - मराठवाड्याचे भूमिपुत्र 'उचल्या'कार ज्येष्ठ साहित्यिक लक्ष्मण गायकवाड यांचा साहित्य संमेलनाच्या आयोजकांना विसर पडला. गायकवाड यांनी शोषित, वंचितांच्या वेदना ज्यांनी आपल्या साहित्यातून मांडून त्यांचे वास्तव जगासमोर आणले. लक्ष्मण गायकवाड यांच्या जन्मगावी म्हणजेच उस्मानाबाद येथे सुरू असलेल्या अखिल भारतीय मराठी साहित्य संमेलनाचे साधे निमंत्रणही देण्यात आले नाही अशी, खंत गायकवाड यांनी व्यक्ती केली.

मराठवाड्याच्या मातीला पहिला साहित्य अकादमी पुरस्कार मिळवून देणारे भूमिपुत्र म्हणून ज्येष्ठ साहित्यिक लक्ष्मण गायकवाड ओळख आहे. लक्ष्मण गायकवाड यांचे मूळ गाव उस्मानाबाद जिल्ह्यातील धनेगाव हे आहे. जिल्हा विभाजनानंतर त्यांचे गाव लातूर जिल्ह्यात गेले असले तरी त्यांची मूळ ओळख ही उस्मानाबाद जिल्ह्याची असल्याचे त्यांच्या साहित्यातून प्रतिबिंबीत होते. त्यांच्याच मूळ जिल्ह्यात अखिल भारतीय साहित्य संमेलन सुरू आहे. परंतु, अखिल भारतीय मराठी साहित्य मंडळासोबत स्थानिक नियोजन समितीचेही गायकवाड यांच्याकडे दुर्लक्ष झाले. त्यांना साहित्य संमेलनाचे साधे  निमंत्रणही देण्यात आहे नाही.

संमेलनाच्या अध्यक्षपदाची सूत्रे चांदीचे पदकाने प्रदान करणार

गायकवाड यांच्या 'उचल्या' या आत्मकथेने मराठी साहित्य विश्वामध्ये एक नवीन वादळ निर्माण केले होते. आज भारतातील अठरा भाषांमध्ये त्यांचे साहित्य प्रसिद्ध झाले आहे. राज्यातील शोषित वंचित आणि उपेक्षित घटकांच्या व्यथा वेदना त्यांनी आपल्या पुस्तकातून मांडल्या आहेत. त्यांची आत्तापर्यंत 13 पुस्तके प्रकाशित झाली आहेत.

Video : साहित्य संमेलनातच आढळली पायरटेड पुस्तके  

इतकेच नव्हे तर कर्नाटक पंजाब या राज्यातील विद्यापीठांमध्ये त्यांची पुस्तके अभ्यासक्रमासाठी असून तब्बल सातहून अधिक पुस्तके ही हिंदी भाषेमध्ये प्रचंड गाजलेली आहेत. त्यांचे कार्यक्षेत्र आणि जन्मगावही मूळ उस्मानाबाद जिल्ह्यातील असल्याने त्यांना या साहित्य संमेलनाचे साधे निमंत्रण मिळाले नसल्याने त्यांनी याबाबत खंत व्यक्त केली.
 

ज्या जिल्ह्यात माझा जन्म झाला त्या जिल्ह्यात अखिल भारतीय साहित्य संमेलन होत असताना मला साधे निमंत्रण येऊ नये, ही माझ्यासाठी खूप वेदनादायी बाब आहे 
- लक्ष्मण गायकवाड
 

संबंधित बातम्या -

साहित्य संमेलनात वादग्रस्त पुस्तकाची विक्री, प्रकाशक-पोलिसांमध्ये वाद

प्रत्येक तालुक्यात पुस्तक विक्री केंद्र सुरू करा, विक्रेत्यांची मागणी

  Video : अशी निघाली साहित्याची उस्मानाबादेत ग्रंथदिंडी

धर्म आणि साहित्याची गल्लत नको : महानोर


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Latest News Osmanabad Sahitya Sammelan Controversy