Stock Market Today: जागतिक बाजारात सुरू असलेल्या विक्रीच्या पार्श्वभूमीवर शुक्रवारी देशांतर्गत बाजारही घसरणीसह उघडले. मात्र, ही घसरण फारशी झाली नाही. सुरुवातीच्या काळात सेन्सेक्स सुमारे 200 अंकांनी घसरला होता. निफ्टीही 80 अंकांनी घसरला.
पण बँक निफ्टी 130 अंकांनी वर होता. निफ्टीचा मिडकॅप निर्देशांकही 100 हून अधिक अंकांनी घसरला. मात्र, त्यानंतर ही घसरण थोडी वाढल्याचे दिसून आले.
सेन्सेक्स 400 अंकांनी घसरला होता. निफ्टी 200 अंकांनी घसरला होता. स्मॉलकॅप निर्देशांकही 230 अंकांनी घसरला. निफ्टी आयटी निर्देशांकात सुमारे 780 अंकांची घसरण झाली.
आज सेन्सेक्समधील 30 कंपन्यांपैकी केवळ 9 कंपन्यांचे शेअर्स वाढीसह हिरव्या रंगात उघडले आणि उर्वरित 21 कंपन्यांचे शेअर्स घसरणीसह लाल रंगात उघडले. त्याचप्रमाणे, निफ्टी 50 कंपन्यांपैकी केवळ 10 कंपन्यांचे शेअर्स वाढीसह हिरव्या रंगात उघडले आणि उर्वरित सर्व 40 कंपन्यांचे शेअर्स घसरणीसह लाल रंगात उघडले.
सेन्सेक्स कंपन्यांमध्ये समाविष्ट असलेल्या एचडीएफसी बँकेचे शेअर्स आज सर्वाधिक 1.25 टक्क्यांच्या वाढीसह उघडले. दुसरीकडे, इन्फोसिसचे शेअर्स आज कमाल 2.31 टक्क्यांच्या घसरणीसह उघडले.
याशिवाय आज बजाज फायनान्सचे शेअर्स 1.13 टक्के, भारती एअरटेल 0.40 टक्के, आयसीआयसीआय बँक 0.30 टक्के, पॉवरग्रिड 0.23 टक्के, बजाज फिनसर्व्ह 0.15 टक्के, महिंद्रा अँड महिंद्रा 0.11 टक्के, झोमॅटो 0.09 टक्के आणि सन फार्मा 0.09 टक्के वाढीसह उघडले.
दुसरीकडे इंडसइंड बँक 1.57 टक्के, टीसीएस 1.41 टक्के, टाटा मोटर्स 1.36 टक्के, एचसीएल टेक 1.35 टक्के, लार्सन अँड टुब्रो 1.04 टक्के, ॲक्सिस बँक 1.02 टक्के, टेक महिंद्रा 0.88 टक्के, अल्ट्राटेक इंडिया सिमेंट 0.86 टक्के घसरणीसह उघडले.
अमेरिकेचे राष्ट्राध्यक्ष डोनाल्ड ट्रम्प यांनी शुल्क धोरण लागू केल्यानंतर जगभरातील शेअर बाजारात गोंधळाचे वातावरण आहे. भारतीय शेअर बाजार मोठ्या घसरणीसह उघडले. पण काल अमेरिकन शेअर बाजारात त्सुनामी आली.
गुरुवारी, Nasdaq मध्ये सुमारे 6 टक्के, S&P 500 मध्ये 4.8 टक्के, Dow Jones मध्ये 4 टक्के इतकी मोठी घसरण झाली आहे. अमेरिकन बाजारपेठेत आलेल्या या सुनामीमध्ये देशातील सर्वात मोठ्या कंपन्यांपैकी टेस्ला, ॲमेझॉन, ॲपल, एनव्हीडिया, गुगल, मायक्रोसॉफ्ट, मेटा या कंपन्यांचे सर्वाधिक नुकसान झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.