Dhule ZP News : जि. प. शाळेची इमारत धोकादायक; एकाच वर्गात भरतात 3 इयत्तांचे वर्ग

Falling plaster of slap in Zilla Parishad School and leaky classroom due to rain.
Falling plaster of slap in Zilla Parishad School and leaky classroom due to rain.esakal

Dhule ZP News : बसरावळ (ता. साक्री) येथील जिल्हा परिषद शाळेच्या खोल्या पहिल्याच पावसात गळू लागल्याने विद्यार्थ्यांची गैरसोय, स्लॅपचे प्लास्टरही धोकादायक स्थितीत आहे, वर्ग खोल्यांची दुरवस्था असल्याने अनेक वर्गांचे विद्यार्थी एकाच वर्गात बसविले जात आहे.

त्यामुळे शिक्षकांना विद्यार्थ्यांना अभ्यास समजवणे कठीण होत असल्याचे चित्र आहे. याकडे जिल्हा परिषद शिक्षण विभागाने लक्ष देण्याची आवश्यकता आहे. (ZP School is dangerous dhule news)

बसरावळ (ता. साक्री) येथील जिल्हा परिषद शाळेत शिक्षक कमी असल्याने एका खोलीत तीन वर्ग भरवले जातात, अशीच परिस्थिती पश्चिम पट्ट्यासह पिंपळनेर परिसरात अनेक जिल्हा परिषद शाळांची आहे. राज्यातील जिल्हा परिषदेच्या तसेच, अनेक खासगी शाळा १५ जूनपासून पुन्हा सुरू झाल्या. शाळेच्या पहिल्याच दिवशी शाळेत गुलाबाची फुले देऊन विद्यार्थ्यांचे स्वागत करण्यात आले.

मुलांना शिक्षण आनंददायी वाटावे आणि शाळेत मुलांची संख्या वाढावी यासाठी शिक्षण विभागाकडून प्रयत्न करण्यात येत आहेत; मात्र, साक्री तालुक्यातील पश्चिम पट्ट्यात असलेल्या बसरावळ (ता. साक्री) येथील जिल्हा परिषद शाळा अपवाद ठरली आहे. वर्ग खोल्या स्लॅपचे प्लास्टर मटेरिअल पडल्याने पहिल्याच पावसात शाळेचे छत गळू लागले आहे.

हेही वाचा : Credit Card फसवणूक....काय घ्याल काळजी?

Falling plaster of slap in Zilla Parishad School and leaky classroom due to rain.
Success Story : प्रतिकूल परिस्थितीवर मात करीत कैलासची पोलिस उपनिरीक्षक पदाला गवसणी

यामुळे शाळेतील स्लॅपसह भिंतीही जीर्ण झाल्या आहे. यामुळे शाळेतील विद्यार्थ्यांच्या जिवाला धोका निर्माण झाला आहे. तसेच, या शाळेत पहिली ते सातवी पर्यंतचे वर्ग आहेत. मात्र, या ठिकाणी पाच शिक्षकांऐवजी तीनच शिक्षक असल्याने एका खोलीत तीन-तीन इयत्तेचे वर्ग भरवले जातात यामुळे विद्यार्थ्यांना शिकवणे जिकरीचे व विद्यार्थ्यांना अभ्यास समजणे अवघड झाले आहे. सिताडीपाडा (ता. साक्री) या जिल्हा परिषद शाळेची वर्गखोलीही गळत आहेत. याकडे शिक्षण विभागाने लक्ष देण्याची मागणी पालक करीत आहे.

"पावसाळा सुरू झाला असून दोन वर्ग खोल्यांमध्ये पाणी साचत आहे. तरी त्या दुरुस्त करण्यात याव्यात. तसेच, शिक्षक कमी असल्याने एका खोलीत तीन वर्ग भरवावे लागत असून विद्यार्थ्यांना अभ्यास समजवणे कठीण होते. शिक्षकांचीही व्यवस्था व्हावी." -देवजी कुवर, मुख्याध्यापक जि. प. शाळा बसरावळ

Falling plaster of slap in Zilla Parishad School and leaky classroom due to rain.
Inspirational News : बालमजुरी रोखण्यासाठी 'ते' करतायत दुचाकीने प्रवास; कापले 7500 किलोमीटर अंतर

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com