स्पर्धा परीक्षेची तयारी करणाऱ्या कृषिलेशनं धरणात मारली उडी

स्पर्धा परीक्षेची तयारी करत असताना अपयश आल्याच्या नैराश्यातून भंडारा (Bhandara) जिल्ह्यातील कवलेवाडा धरणात तरूणाने उडी टाकत आत्महत्या केली. यावेळी त्याने वडिलांना व्हिडिओ कॉल करून आत्महत्या करत असल्याचे सांगितले. या घटनेन परिसरात हळहळ व्यक्त होत आहे.

मिळालेल्या माहितीनुसार, मृत तरूणाचे नाव कृषिलेष राजू कनोजे (वय-२९) असं आहे. कृषिलेष हा B.com पदवीधारक असुन, तो गोंदियामध्ये २०१३ पासून स्पर्धा परीक्षेची (Competition Test) तयारी करीत होता. सतत येणाऱ्या अपयशाने तो नैराश्यग्रस्त झाला आणि अखेर त्याने आपली जिवनयात्रा संपवली.

आज सकाळी घरी न सांगता कवलेवाडा धरणावर पोहचला. यावेळी त्याने वडिलांना व्हिडिओ काॅल केला. 'मी कवलेवाडा डॅम येथे आत्महत्या करीत आहे.' असं सांगुन मोबाईलमध्ये व्हिडीओ कॉल रेकाँर्डिग करून आत्महत्या केली.