'सरकारला मराठा समाजाची ताकद दाखवू'

Maratha community meeting
Maratha community meeting

औरंगाबाद - मुंबईत 9 ऑगस्ट क्रांतीदिनी नियोजित मराठा क्रांती महामोर्चाच्या पूर्वतयारीसाठी समन्वय साधता यावा, म्हणून शनिवारी (ता. 24) राज्यव्यापी मध्यवर्ती कार्यालयाचे उद्‌घाटन समाजातील ज्येष्ठ अंकुशराव कदम, मधुकरराव मुळे यांच्या हस्ते करण्यात आले. सरकारला समाजाची ताकद दाखवू, असा इशाराही समन्वयकांनी यावेळी दिला. 

जळगाव टी-पॉईंट रोड येथे बजरंग चौक ते देवगिरी नागरी सहकारी बॅंक यादरम्यान सकाळी अकरा वाजता हा उद्‌घाटन सोहळा झाला. छत्रपती शिवाजी महाराज यांच्या पुतळ्यास पुष्पहार अर्पण करून यापूर्वीच्या मोर्चातील समन्वयकांनी उपस्थितांना मार्गदर्शन केले. राज्यासह देश, विदेशात 57 हून अधिक मोठी मोर्चे निघालेले असतानाही सरकारने दखल घेतली नाही. त्यामुळे समाज पुन्हा एकदा संतापला असून महामोर्चासाठी सज्ज झाला असल्याचे यावेळी सांगण्यात आले. मुंबईत होणाऱ्या महामोर्चाचे गावपातळीवर नियोजन करण्याचे आवाहन करण्यात आले. त्यास अनेकांनी हात उंचावून प्रतिसाद दिला. यावेळी विविध पक्षातील समाज बांधव मोठ्या संख्येनी उपस्थित होते. 

शहीदांना श्रद्धांजली 
पाकिस्तानी दहशतवाद्यांनी गुरुवारी (ता.22) केलेल्या हल्ल्यात शहीद झालेले मराठा लाइट इन्फन्ट्रीतील नाईक संदीप सर्जेराव जाधव (रा. केळगाव ता. सिल्लोड, जि. औरंगाबाद) व श्रावण माने (कोल्हापूर) यांना येथे श्रद्धाजंली वाहण्यात आली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com