धनगर समाजाचा आरक्षणासाठी मुंबईत विधानभवनावर मोर्चा

नांदेड : राज्यातील धनगर समाजाला एस.टी. चे आरक्षण मिळावे म्हणून संघर्ष सुरु आहे. परंतु, त्याकडे शासनकर्ते दुर्लक्ष करीत असल्याने, यशवंत सेनेतर्फे एक आॅगस्ट रोजी मुंबईत विधानभवनावर मोर्चा काढत असल्याचे प्रदेश उपाध्यक्ष व्यंकटराव नाईक यांनी सांगितले.

ते म्हणाले की, धनगर समाजाला आरक्षण मिळावे म्हणून समाजाचा अनेक वर्षांपासून लढा सुरु आहे. आघाडी आणि युती सरकारने या प्रश्नाकडे दुर्लक्ष केले आहे. निवडणुकीपुर्वी भारतीय जनता पक्षातर्फे धनगर समाजाच्या आरक्षणाचा प्रश्न सोडविण्याचे आश्वासन दिले होते. परंतु, तीन वर्ष झाली तरीही अद्याप काहीच निर्णय झालेला नाही. परिणामी समाजाची सर्वच क्षेत्रांमध्ये अधोगती सुरु आहे. त्यासाठी झोपलेल्या शासनाला जागे करण्यासाठी एक आॅगस्ट रोजी मुंबईत मोर्चा काढण्याचा निर्णय यशवंत सेनेतर्फे घेण्यात आला.

यामध्ये मराठवाड्यातील धनगर समाजातील पुरुष व महिलांनी सहभागी व्हावे असे आवाहनही व्यंकटराव नाईक यांच्यासह प्रदेश सचिव रामराव बोडके, महादेव अर्जुन, प्रा. रघुनाथ पाटील, बाळासाहेब मोटे, मराठवाडा संपर्क प्रमुख नागोराव शेंडगे, मराठवाडा अध्यक्ष माधव देवकते, जिल्हाध्यक्ष बालासाहेब आचणे, माधव डोईफोडे आदींनी केले.

ई सकाळवरील महत्त्वाच्या बातम्या वाचण्यासाठी क्लिक करा:

• उदयनराजे सातारा पोलिस ठाण्यात झाले हजर
• उदयनराजेंना अटक केल्यास हिंदुत्ववादी गप्प बसणार नाहीत: संभाजी भिडे​
• शास्त्रज्ञ, शिक्षणतज्ज्ञ प्रा. यश पाल यांचे निधन​
• निफ्टी 10 हजारांवर; सेन्सेक्‍सची घोडदौड सुरूच
• मोदींच्या मुत्सद्देगिरीला चीनचे आव्हान
• वूमेन्स इन ब्लू..!​
• सोलापूर: महापालिकेच्या पाणीपट्टीत वाढीचे संकेत
• तूर खरेदीची अशीही बनवाबनवी​
• नवरा मारायचा थांबेना; पोलिस तक्रार घेईनात!​
• निठारी हत्याकांड: पंधेर व सुरिंदरला फाशीची शिक्षा​
• आर्थिक व्यवहारांवरून वेंकय्या नायडू लक्ष्य