Akola Buldana Marathi News Now if the bullet explodes, it will be confiscated! 
अकोला

आता बुलेटचा फटाका फुटला तर थेट जप्ती!

सकाळ वृत्तसेेवा

अकोला :  फटाके फोडणाऱ्या बुलेटविरुद्धची मोहीम आणखी कडक करण्यात आली आहे. यापुढे गाडीच्या सायलन्सरमध्ये फटका फुटला तर थेट बुलेट जप्तीची मोहीम राबविणार असल्याची माहिती वाहतूक शाखेचे पोलिस निरीक्षक गजानन शेळके यांनी दिली.


मागील काही दिवसांपासून शहर वाहतूक शाखा अकोलातर्फे शहरातील फटाके फोडणाऱ्या बुलेटविरुद्ध धडक मोहीम राबवित आहे.

त्या अंतर्गत बुलेटच्या मूळ सायलेन्सरमध्ये बदल करून फटाके फोडणारे सायलेन्सर लावून बुलेट चालविणाऱ्या ‘बुलेट राजां’च्या उनाडखोरीला चाप लावला जात आहे. बुलेटविरुद्ध धडक मोहीम राबवून आतापर्यंत २५ बुलेट वाहतूक शाखेत जमा करण्यात आल्यात.

त्यांचेवर दंडात्मक कारवाई करून अशा बुलेटचे सायलेन्सर बदलून घेऊन परत मूळ सायलेन्सर लावून मगच बुलेट सोडण्यात आल्यात. या मोहिमेचा काही अंशी फरक पडला; परंतु शहरात अजूनही बरेच तरुण एक क्रेझ म्हणून अशा फटाके फोडणाऱ्या बुलेट सुसाट वेगाने चालवित असल्याच्या नागरिकांच्या तक्रारी आहेत.

या तक्रारीची दखल घेऊन पोलिस अधीक्षक जी. श्रीधर यांचे निर्देशाप्रमाणे व उपविभागीय पोलिस अधिकारी सचिन कदम यांचे मार्गदर्शनाखाली पोलिस निरीक्षक गजानन शेळके यांनी सायलेन्सर बदलून फटाके फोडणाऱ्या बुलेट विरुद्धची मोहीम आणखी कडक केली आहे.

अशा बुलेट आढळून आल्यास त्यांचेवर सरळ जप्तीची कारवाई केली जाणार आहे. त्यांचा अहवाल प्रादेशिक परिवहन कार्यालयात पाठवून त्यांची कारवाई झाल्या नंतरच त्यांचे निर्देशानंतरच अशा बुलेट सोडण्यात येणार आहेत.

(संपादन - विवेक मेतकर)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Viral Video : काय चाललंय? धबधब्याखाली दोन मुले आक्षेपार्ह अवस्थेत, लोकांच्या माना लाजेने खाली, सार्वजनिक ठिकाण तरी सोडा रे...

Chakan MIDC : चाकण एमआयडीसी परिसरात वर्तुळाकार बससेवा, पीएमपी प्रशासनाचा निर्णय; अध्यक्षांकडून पाहणी

Vlogger of the Year: लोहार यांचा व्लॉगर ऑफ द इयर पुरस्काराने सन्मान

Indrayani River : ‘इंद्रायणी-पवना सुधार’ निविदेसाठी सल्लागार, चार महिन्यांत कार्यवाहीनंतर काम सुरू होणार; ‘पीएमआरडीए’ची माहिती

Solapur: डॉ. शिरीष वळसंगकर प्रकरणी डॉ. उमा वळसंगकरांचा मनीषा मानेंविरुद्ध नवा अर्ज; आर्थिक अपहारप्रकरणी गुन्हा दाखल करा

SCROLL FOR NEXT