बार्शीटाकळी (जि.अकोला) : तालुक्यातील महान येथील काटेपूर्णा जल प्रकल्पामध्ये रविवारी (ता. १७) सकाळी एका युवकाचा मृतदेह धरणाच्या मध्यभागी पाण्यावर तरंगताना दिसून आला. या घटनेची माहिती नागरिकांना कळताच परिसरात खळबळ उडाली.

धरणामध्ये युवकाचा मृतदेह तरंगत असल्याची माहिती पिंजर पोलिस स्टेशनला देण्यात आल्याने पोलिस स्टेशनचे ठाणेदार यांनी संत गाडगे बाबा आपात्कालीन शोध व बचाव पथकाचे प्रमुख दीपक सदाफळे यांना या बाबत माहिती दिली.

हेही वाचा -अवघे गाव रडले, मुलाच्या मृत्यूनंतर आईनेही सोडले प्राण; मकरसंक्रांतीलाच गावावर शोककळा

त्यावर दीपक सदाफळे आणि त्यांचे सहकारी मयूर सळेदार, किशोर तायडे, ऋषीकेश राखोंडे रुग्णवाहिका घेवून घटनास्थळी पोहचले. यावेळी पथकातील सदस्यांनी धरणाच्या गेट जवळील पाण्यावर तरंगणारा मृतदेह ट्रेचर सिस्टमने बाहेर काढला.

हेही वाचा - ऐकावे ते नवलंच! या आज्जीबाईने वयाच्या सत्तरीतही कोरले इंडिया बुक ऑफ रेकॉर्डमध्ये नाव

यावेळी ठाणेदार महादेव पडघान व पोलिस कर्मचारी आणि नातेवाईक हजर होते. पोलिसांनी धरणाच्या परिसरातील दुचाकीच्या नंबर वरून शोध घेत मृतकाच्या नावाची व गावाची माहिती काढली असता मृतदेह हा नागेश मधुकर पाटील ( वय ३०, रा . मोरझाडी, ता. बाळापूर) येथील असल्याले समजते.

हेही वाचा - कोरोनाला खवय्येगिरीचा तडका!, फास्टफूड सेंटर, हॉटेल, ढाब्यांवर युवकांची तुफान गर्दी

मृतकाच्या नातेवाईकांना घटनास्थळी मृतदेहाची ओळख पटविण्यास बोलाविण्यात आले होते. नातेवाईकांना सुद्धा ओळख पटल्याने सदर मृतदेह संत गाडगेबाबा आपात्कालीन शोध व बचाव पथकाच्या रुग्णवाहिकेने अकोला येथील सर्वोपचार रुग्णालयात शवविच्छेदनासाठी पाठविण्यात आला. दरम्यान या प्रकरणाचा तपास पिंजर पोलिस करत आहेत.

(संपादन - विवेक मेतकर)