Akola News: 25 crore needed for flood victims, first installment completed; Waiting for another 
अकोला

अतिवृष्टीग्रस्तांसाठी हवे २५ कोटी, पहिल्या हप्त्याचे वाटप पूर्ण; दुसऱ्याची प्रतीक्षा

सकाळ वृत्तसेेवा

अकोला  ः जून ते ऑक्टोबर या कालावधीमध्ये झालेल्या अतिवृष्टीने शेती पिकांचे नुकसान झाले. त्यामुळे नुकसानग्रस्त शेतकऱ्यांसाठी शासनाने पहिल्या हप्त्यांची मदत २६ कोटी ९४ लाख ३९ हजार रुपये जिल्हा प्रशासनाला दिली होती.

सदर मदत निधीची रक्कम शेतकऱ्यांच्या खात्यात जमा झाली आहे. त्यामुळे उर्वरीत शेतकऱ्यांच्या खात्यात मदत जमा करण्यासाठी जिल्हा प्रशासनाला २५ कोटी रुपयांची आवश्यकता आहे. सदर मदत निधी मिळताच उर्वरीत शेतकऱ्यांच्या खात्यात रक्कम जमा करण्यात येईल.


यावर्षी झालेल्या सततधार पावसामुळे शेतकऱ्यांच्या हाता तोंडाशी आलेल्या मूग व उडीद पिकांचे नुकसान झाले. सोयाबीनसह, तूर, कपाशीला सुद्धा अति पावसाचा फटका बसला. अतिवृष्टीमुळे कपाशीचे बोंड काळे पडले. झाडांची पडझड, बगीचातील फळ गळून पडल्याने बागायती शेतीचे सुद्धा चांगलेच नुकसान झाले. त्यामुळे नुकसानग्रस्त क्षेत्राचे संयुक्त पंचनामे करण्याचे आदेश जिल्हाधिकारी जितेंद्र पापळकर यांनी दिले होते.

त्याअंतर्गत जिल्ह्यातील नुकसानीचे संयुक्त पंचनामे करण्यात आल्यानंतर शासनाकडे मदतीची मागणी करण्यात आली होती. दरम्यान मदत निधीच्या पहिल्या हप्त्याचे २६ कोटी ९४ लाख ३९ हजार रुपये जिल्हा प्रशासनाला मिळाले होते. सदर निधीचे विभाजन करुन तो तहसीलदारांच्या खात्यात वळती करण्यात आल्यानंतर प्राप्त निधी ३८ हजारांवर शेतकऱ्यांच्या खात्यात जमा करण्यात आला. त्यानंतर सुद्धा अद्याप अनेक शेतकरी मदतीची प्रतीक्षा करत आहेत. त्यामुळे उर्वरीत शेतकऱ्यांंना मदत देण्यासाठी प्रशासनाला २५ कोटी रुपयांची आवश्यकता आहे.


अशी आहे नुकसानग्रस्तांची माहिती
तालुका बाधित गाव शेतकरी
अकोला १८० ७१९६
बार्शीटाकळी १५९ ६९४९
अकोट १७५ १०९८९
तेल्हारा १०३ १९८२६
बाळापूर १०३ ९४३२
मूर्तिजापूर १६४ ५१६८
----------------------------------------
एकूण ९९९ ६८५७१

(संपादन - विवेक मेतकर)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Valhe News : बँकेबाहेर विसरलेली सव्वा लाखाची रोकड असलेली पिशवी दांपत्यास केली परत

Video: बापरे! प्रार्थना बेहरेच्या पायाला गंभीर दुखापत, व्हिडिओ शेअर करत म्हणाली...'तुमच्या आशिर्वादाची...'

Viral Video: हत्तीच्या बाळाची टरबूज मागण्याची क्यूट अदा, हृदयस्पर्शी व्हिडिओने जिंकली नेटकऱ्यांची मने

Thane Crime: कौटुंबिक हिंसाचाराच्या घटनांमध्ये वाढ, धक्कादायक आकडेवारी समोर

SCROLL FOR NEXT