अकोला  ः अमरावती विभाग शिक्षक मतदारसंघाच्या आदर्श आचारसंहितेचे पालन करण्यासाठी शहरातील राजकीय पक्षांच्या जाहिरातीचे फ्लेक्स व बॅनर काढण्याची कारवाई मनपा अतिक्रमण निर्मुलन विभागाने शुक्रवारी केली.

सोबतच बाजार विभागासोबत संयुक्त कारवाई करीत दिवाळी बाजारीतील रस्त्यावरील अतिक्रमण व पक्‍क्या दुकानांचे अतिक्रमण काढण्यात आले.

• हायवेने प्रवास करीत असाल तर दंडाचे पाचशे रुपये जवळ ठेवा!

कोरोना विषाणू संसर्गामुळे मार्चपासून महानगरपालिकेच्या अतिक्रमण विभागाचे काम ठप्प होते. आता मात्र शिक्षक मतदारसंघाची आचारसंहिता लागू होतात पुन्हा अतिक्रमण निर्मुलन विभाग सक्रिय झाला आहे.

• पुलावरून ५० फुट खाली पडली कार,  दोन युवक जागीच ठार

मनपाच्या पथकाने गांधी रोडसह शहरातील विविध भागात ही मोहीम राबविली. गुरुवारी रात्रीपासूनच राजकीय पक्षांच्या जाहिराती काढण्याचे काम सुरू करण्यात आले होते. शुक्रवारी सकाळीच गांधी रोडवरील हातगाड्यांचे अतिक्रमण काढण्यात आले.

• नऊ महिन्यानंतरही पाळणा हलेना!

त्यानंतर अतिक्रमण विभागाने बस स्थानक चौक, अशोक वाटिका चौक, गौरक्षण रोड परिसरातही ही कारवाई करण्यात आली. बाजार विभागासोबत राबविण्यात आलेल्या कारवाईत दुकानांचे रस्त्यावर आलेले व वाहतुकीस अडथळा ठरणारे बॅनर, नामफलक हटविण्याची कारवाई करण्यात आली.

(संपादन - विवेक मेतकर)