देऊळगाव राजा (जि.बुलडाणा) : कृषी उत्पन्न बाजार समिती यार्डात यंदाच्या हंगामात खासगी कापूस खरेदीला आज (ता.२३) पासून सुरुवात झाली. शेतकऱ्यांच्या कापसाला ५ हजार ६२५ रुपये प्रति क्विंटल भाव मिळाला.
महाराष्ट्र राज्य पणन महामंडळाकडून अद्याप पर्यंत कापूस खरेदीस प्रारंभ करण्यात आला नाही. परिणामी कापूस उत्पादक शेतकऱ्यांना नाईलाजास्तव खासगी व्यापाऱ्यांकडे कमी भावात कापूस द्यावा लागत होता.
समाधानकारक भाव मिळत नसल्याने शेतकर्यांचे आर्थिक नुकसान होत असल्याने कृषी उत्पन्न बाजार समिती मार्फत जाहीर लिलावाद्वारे कापूस खरेदी सुरू करण्यात यावी अशी मागणी तालुका व परिसरातील कापूस उत्पादक शेतकरी करीत होते.
दरम्यान बाजार समितीचे प्रशासक तथा सहाय्यक निबंधक एस.यु जगदाळे यांच्या हस्ते पहिल्या वाहनाचे कापूस उत्पादक शेतकरी राधाकिसन गोविंद मांटे राहणार सिनगाव जहागीर यांना रुमाल टोपी देऊन सन्मान करण्यात आला.
त्यांच्या कापसाला नमन कॉटनचे मनीष अग्रवाल यांनी लिलावाद्वारे ५ हजार ६२५ प्रति क्विंटल भाव दिला शेतकर्यांनी मास्क लावून आपली वाहने ठराविक अंतरावर उभी करण्याच्या सूचना यावेळी देण्यात आल्या.
याप्रसंगी बाजार समितीचे सचिव किशोर म्हस्के, कापूस व्यापारी सन्मती डोणगावकर, मनीष अग्रवाल, यजू धन्नावत, विशाल रायबागकर, बबलू सेठ यांच्यासह कापूस उत्पादक शेतकरी यांची उपस्थिती होती.
(संपादन - विवेक मेतकर)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.