Post office scheme : पोस्ट ऑफिस स्कीममध्ये (Post office scheme) सहसा कोणताही धोका नसतो. तुम्हालाही कोणतीही जोखीम न घेता गुंतवणूक (Investment)सुरू करायची असेल तर ही बातमी तुमच्या कामाची आहे. कारण पोस्ट ऑफिसने तुमच्यासाठी एक चांगली योजना आणली आहे. पोस्ट ऑफिसच्या या योजनेंतर्गत, कमी गुंतवणूक करूनही तुम्ही अवघ्या 10 वर्षात 16 लाख रुपयांचे मालक होऊ शकता. होय, आम्ही RD स्कीमबद्दल बोलत आहोत.

पोस्ट ऑफिस आरडी डिपॉझिट खाते (RD deposit account)ही सरकारची योजना आहे. या स्कीममध्ये तुम्ही अगदी 100 रुपयांपासून गुंतवणूक सुरू करू शकता. एवढेच नाही तर या योजनेत तुम्ही जास्तीत जास्त रक्कम, तुम्हाला हवी तेवढी गुंतवणूक करू शकता. गुंतवणुकीची कमाल मर्यादा नाही. यात पाच वर्षांसाठी खाते उघडता येते. दुसरीकडे, बँका सहा महिने, एक वर्ष, दोन वर्षे आणि तीन वर्षांसाठी आवर्ती ठेव खाती ऑफर करतात. प्रत्येक तिमाहीत, त्यात जमा केलेल्या पैशावर व्याज (वार्षिक दराने) मोजले जाते.

पोस्ट ऑफिस आरडी स्कीममध्ये तुम्हाला बँकेपेक्षा जास्त रिटर्न मिळतात. सध्या, आवर्ती ठेवीवर 5.8 टक्के व्याजदर दिला जात आहे, जो 1 एप्रिल 2020 पासून लागू झाला आहे. भारत सरकार प्रत्येक तिमाहीत त्यांच्या सर्व लहान बचत कार्यक्रमांसाठी व्याज दर (Interest rate)सेट करते. तुम्ही पोस्ट ऑफिस आरडी स्कीममध्ये दहा वर्षांसाठी दरमहा 10 हजार रुपये गुंतवल्यास, तुम्हाला 5.8 टक्के दराने 16 लाख रुपये मिळतील. 10 हजार हा आकडा उदाहरणासाठी दिला आहे, तुम्ही या स्कीममध्ये हवी तेवढी रक्कम गुंतवू शकता.