Share Market : अजंता सोया शेअर्स गुंतवणूकदारांसाठी मल्टीबॅगर ठरले आहे. अजंताचे शेअर्स गेल्या 24 वर्षांत 550 पटीने वाढले आहेत. म्हणजेच गुंतवणूकदार 20 हजार रुपयांपेक्षा कमी गुंतवणुकीवर कोट्यधीश झाले आहेत. 30 सप्टेंबरला बीएसईवर त्याचे शेअर्स 44.55 रुपयांवर बंद झाले. त्याची मार्केट कॅप 358.55 कोटी रुपये आहे.

अजिंठा सोयाचा एक शेअर 19 नोव्हेंबर 1998 साली केवळ 8 पैशांवर होता, तो आता आता 557 पटीने वाढून 44.55 रुपयांवर पोहोचला आहे. याचा अर्थ गुंतवणूकदाराने त्यावेळेस त्यात फक्त 18 हजार रुपये गुंतवले असते, तर आतापर्यंत त्याचे 1 कोटीपेक्षा जास्त झाले असते. गेल्या एका वर्षात अजंता सोयाच्या शेअर्सने 75 टक्के आणि पाच वर्षांत 336 टक्के परतावा दिला आहे. 29 एप्रिल 2022 रोजी त्याच्या किमती 69.38 रुपयांच्या एका वर्षाच्या उच्चांकावर होत्या.

अजंता सोया वेगवेगळ्या प्रकारचे कुकिंग ऑईल तयार करते. ही कंपनी बेकरीसाठी प्रोडक्ट्सही तयार करते. त्यांचे प्रोडक्ट्स ध्रुव, आंचल आणि पर्व या ब्रँड नावाने विकली जातात. चालू आर्थिक वर्षाची पहिली तिमाही कंपनीसाठी चांगली राहिली. तिचा नेट प्रॉफिट एप्रिल-जून 2022 मध्ये तिमाही आधारावर 90.8 लाख रुपयांवरून 1.09 कोटी रुपयांपर्यंत वाढला आहे. त्याच वेळी, त्याची कमाईही 32.94 कोटी रुपयांवरून 36.10 कोटी रुपये झाली आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.