Kunti And Krishna Relation : हिंदू धर्मातील वेद, पुराणे, ग्रंथांत आणि इतर धार्मिक ग्रंथांमध्ये हिंदू धर्माची संस्कृती आणि वारसा सांगितला गेला आहे. या वेदपुराणांमध्ये जीवनपद्धतीसह धर्म आणि अधर्मयाविषयी उपदेश देण्यात आले आहेत. चार वेदांसह रामायण, महाभारत यांसारख्या धार्मिक ग्रंथांमध्ये अनेक पौराणिक कथांचा उल्लेख आहे. रामायणात मर्यादा पुरुषोत्तम प्रभू श्रीरामांचा आदर्श, न्याय आणि स्थापनेचे वर्णन आहे, तर महाभारतात भगवान श्रीकृष्णाची लीला आणि धर्मावरील अधर्माच्या विजयाचा उल्लेख आहे.

महाभारतात अनेक रंजक कथा ऐकायला मिळतात. काही किस्से आश्चर्यचकित करणारे आहेत. महाभारतात अनेक नावांचा उल्लेख आहे. महाभारतात भगवान श्रीकृष्णासह अनेक शूर योद्धे आणि त्यांच्या पूर्वजांचे वर्णन करण्यात आले आहे. यात कुंती ही एक मुख्य व्यक्तिरेखाही आहे. कुंती ही पांडवांची आई आणि भगवान श्रीकृष्णाची आत्या होती.

माता कुंती कोण होत्या

कुंती माता या महाभारतातील हस्तिनापुराच्या पंडु राजाची पत्नी व पांडवांमधील युधिष्ठीर,  भीम आणि  अर्जुन यांची आई होती. तसेच, कर्णाची देखील ती आई होती. यादव कुळातील शूरसेनाची कन्या असलेल्या कुंती यांचे बालपणीचे नाव पृथा असे होते. निःसंतान असलेल्या कुंतिभोज राजाला दत्तक गेल्यावर तिचे नाव कुंति असे ठेवण्यात आले.

जर तुम्ही दूरदर्शनवर महाभारत पाहिलं किंवा वाचलं असेल तर तुम्हाला कळेल की श्रीकृष्ण कुंतीला आत्या म्हणून संबोधत असत. अशा वेळी कुंती ही भगवान श्रीकृष्णाची आत्या होती. हे ही तुमच्या मनात आलं असेल. भगवान श्रीकृष्ण त्यांना आत्या का म्हणायचे? चला तर मग तुम्हाला सांगतो की कुंती कशी होती भगवान श्रीकृष्णाची आत्या.

कुंती ही यदुवंशी राजा शूरसेन यांची कन्या,कृष्णपिता वासुदेव आणि सुत्सुभा यांची मोठी बहीण होती. नागवंशी महाराज कुंतीभोज यांनी शुरसेन यांच्याकडून कुंती दत्तक घेतली. कुंती यांचे आधी पृथा हे नाव होते. पुढे महाराज कुंतीभोजांनी त्यांचे नाव कुंती ठेवले. कुंती हस्तिनापूरचे राजा महाराज पांडू यांची पहिली पत्नी होती.

कुंती मातेला दिले होते वरदान

कुंतिच्या सेवेवर प्रसन्न होऊन दुर्वास ऋषिंनी तिला एका मंत्राचे वरदान दिले. त्या मंत्राचा वापर करताच ज्या दैवताचे स्मरण ती करेल, त्या देवाकडून तिला पुत्रप्राप्ती होणार होती. कुमारी असलेल्या कुंतीने सूर्याचे स्मरण करून मंत्रोच्चार केला आणि मंत्राच्या प्रभावाने पुत्रप्राप्ती झाली. ह्या सुर्यपुत्राला जन्मतः अंगावर अभेद्य कवच आणि कानात कुंडले होती. या पुत्राचे नाव कुंतिने कर्ण असे ठेवले.

ह्या सुर्यपुत्राला जन्मतः अंगावर अभेद्य कवच आणि कानात कुंडले होती. या पुत्राचे नाव कुंतिने कर्ण असे ठेवले. परंतु अविवाहीत असताना या पुत्राला जवळ ठेवणे तिला शक्य नव्हते म्हणून कुंति एका पेटीत विपुल धन ठेवून त्यामधे या पुत्राला ठेवते व ती पेटी नदीत सोडून देते. ही पेटी अधिरथ नावाच्या कौरवांच्या सूताला सापडते. तो या पुत्राला आपल्याच पोटच्या मुलाप्रमाणे वाढवतो.