जम्मू  - काश्मीरमध्ये पाकिस्तानातून भुयारीमार्गे घुसखोरी करण्याचा दहशतवाद्यांचा प्रयत्न बीएसएफने उधळला.  कथुआ जिल्ह्यात हीरानगर सेक्टरमध्ये दीडशे मीटर लांबीचे भुयार आढळले. 

हे वाचा - चिंता नको, Whatsappचा डेटा सर्वरमधून डिलिट करता येतो; जाणून घ्या प्रोसेस

आंतरराष्ट्रीय सीमेवर कथुआ आणि सांबा जिल्ह्यात भुयार किंवा बोगदा सापडण्याची ही सहा महिन्यांतील तिसरी घटना आहे. हीरानगर सेक्टरमधील बोबियान गावात हे बोगदे आढळले, अशी माहिती बीएसएफचे महानिरीक्षक (जम्मू) एन.एस. जामवाल यांनी दिली.  ते म्हणाले, की भुयाराच्या दुसऱ्या टोकाला पाकिस्तानातील शेकरगड आहे. ते दहशतवाद्यांच्या तळासाठी कुप्रसिद्ध आहे. आमच्याकडे तेथील घडामोडींची माहिती असल्याने सावध आहोत. पाकिस्तानी डावपेचाचा सामना करण्यासाठी आवश्यक त्या सर्व उपाययोजना केल्या जात आहेत.  भुयारातील पाकिस्तानच्या खुणा असलेल्या वाळूच्या पिशव्या आढळल्या आहेत.

हे वाचा - 350 आरोपी, 900 साक्षीदार; इटलीतल्या खटल्याकडं संपूर्ण जगाचं लक्ष

पाकिस्तान नेहमीच दहशतवाद्यांना घुसखोरीसाठी प्रोत्साहन देतो. मात्र, आम्ही नेहमीच सावध असल्याने आंतरराष्ट्रीय सीमेवर असे भुयार शोधले जातात. 
- एन.एस. जामवाल, महानिरीक्षक (जम्मू), बीएसएफ

हे वाचा -मुंडेच्या राजीनाम्याची मागणी ते कर्नाटकातला भ्रष्ट कारभार; देशविदेशातील घडामोडी एका क्लिकवर