लहान मुलांचे अनेक व्हिडिओ सोशल मीडियावर व्हायरल होत असतात. काही हसवणारे असतात तर काही अचंबित करणारे, पण सध्या सोशल मीडियावर एका लहान मुलीचा एक इमोशलन व्हिडीओ व्हायरल झालाय. एका चिमुरडीने असे काही केले की तीच्यावर सोशल मीडियाच्या माध्यमातून कौतूकाचा वर्षाव होत आहे.

मेट्रो स्टेशनवर या छोट्या मुलीने सीआरपीएफ जवानाच्या पाया पडल्या त्यानंतर जवानही इमोशनल झाला. हा संपुर्ण घटनेचा व्हिडिओ सोशल मीडियावर व्हायरल होतोय. (a little girl touching feet of crpf jawan emotional video goes viral)

व्हिडिओ मेट्रो स्टेशनवरील दिसत आहे. या व्हिडिओत सीआरपीएफचे 3 जवान उभे राहून बोलत असतात. तेवढ्यात एक लहान मुलगी त्याच्याजवळ येते आणि त्यातील एक जवानासमोर येऊन उभी राहते. तो जवानही तिच्याकडे प्रेमाने पाहतो, पण नंतर ही छोटी मुलगी जवानाच्या पाया पडते. यानंतर तरुण भावूक होतो.

या व्हिडिओची सोशल मीडियावर जोरदार चर्चा सुरू आहे. ट्विटर यूजर रवी रंजनने हा व्हिडिओ शेअर केलाय.सुरक्षा जवानांबद्दल कृतज्ञता व्यक्त करत या चिमुरडीने जवानाच्या पाया पडल्या. या छोट्या मुलीचे सोशल मीडियावर कौतुक केले जात आहे. सोबतच तिच्या आईवडिलांचेही कौतुक नेटकरी करत आहेत.