दिल्ली निवडणूक 2020 : नवी दिल्ली : संपूर्ण देशभरात चर्चेचा विषय ठरलेल्या राजधानी दिल्लीच्या विधानसभा निवडणुकीचे निकाल उद्या (ता.11) जाहीर होणार आहेत. निवडणूक आयोगाने इलेक्ट्रॉनिक मतदान यंत्रांच्या मतमोजणीसाठी जय्यत तयारी केली आहे.
दिल्लीतील 27 केंद्रांवर मंगळवारी (ता.11) सकाळी आठपासून मतमोजणी सुरू होईल आणि साधारणतः साडेआठच्या सुमारास पहिला 'कल' येईल, असा अंदाज आहे.
दिल्लीच्या 70 जागांसाठी अरविंद केजरीवालांच्या नेतृत्वाखालील सत्तारूढ आम आदमी पक्ष व भाजप यांच्यात जोरदार लढत होत आहे. 8 फेब्रुवारीला मतदान पार पडले. यंदा 2015 पेक्षा कमी म्हणजे सुमारे 61 टक्के मतदान झाले. मुख्यमंत्री केजरीवाल यांचा चेहरा व त्यांच्या सरकारने केलेल्या विकासकामांभोवती 'आप'ने निवडणूक प्रचार केंद्रित ठेवला.
भाजप अखेरपर्यंत मुख्यमंत्रिपदाचा उमेदवार जाहीर करू शकला नाही. 'सब का साथ सबका विकास सब का विश्वास'ची घोषणा देणाऱ्या भाजपने 'दिल्लीचा विकास' म्हणून काय दाखवणार, या यक्षप्रश्नामुळे निवडणूक कठीण असल्याचे जाणवताच हिंदू-मुसलमान धार्मिक ध्रुवीकरणावर जोर दिला.
सीएएविरोधातील शाहीनबागेतील आंदोलन, पाकिस्तान आदी मुद्यांभोवती भाजपने अती आक्रमक प्रचार सुरू ठेवला. मात्र अखेरपर्यंत केजरीवालांविरुद्ध कोण, या प्रश्नाचे उत्तर भाजपने दिले नाही.
मतदान झाल्यावर 24 तासांनीही निवडणूक आयोगाने नेमकी टक्केवारी जाहीर न केल्याने मतदान यंत्रांतील गडबडीच्या 'आप'च्या संशयाला बळकटी मिळाली. या पार्श्वभूमीवर उद्याच्या निकालाबद्दल कमालीची उत्कंठा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.