पाटना (बिहार): मैत्रिणीसोबत मध्यरात्री पर्यंत चॅटींग करत बसला. स्नेहा काळजी घे आणि जास्त रडू नकोस, असा मेसेज पाठवून प्रियकराने गळफास घेऊन आत्महत्या केल्याची घटना येथे घडली.
किशन मिश्रा (वय 21) असे आत्महत्या केलेल्या युवकाचे नाव आहे. तो बनारस हिंदू विश्वविद्यालयात शिक्षण घेत होता. व्हॅलेंटाइन आठवड्यामध्ये प्रियकराने आत्महत्या केल्यामुळे खळबळ उडाली आहे. मात्र, किशनच्या वडिलांनी खूनाचा संशय व्यक्त केला आहे.
पोलिसांनी दिलेल्या माहितीनुसार, सुखासन गावामध्ये राहणारे संतोष मिश्रा यांचा किशन हा एकुलता एक मुलगा होता. तो पदवीचे शिक्षण घेत होता. घरामध्ये त्याचा मृतदेह आढळून आल्यामुळे तक्रार दाखल झाली होती. तपासादरम्यान त्याचा मोबाईल ताब्यात घेण्यात आला. मोबाईलवरून तो मध्यरात्रीपर्यंत स्नेहा (काल्पनीक नाव) नावाच्या मुलीसोबत चॅटींग करत होता. स्नेहा काळजी घे, जास्त रडू नकोस... असा त्याचा शेवटचा मेसेज आहे. यावरून त्याने आत्महत्या केली असावी, असा संशय आहे. याबाबतचा पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.