चंदीगड (पंजाब): दोघेही एकाच गावातील रहिवासी. गेल्या तीन वर्षांपासून दोघांचे प्रेमसंबंध होते. मात्र, प्रियकराने विवाह केल्यानंतर प्रेयसी कोणत्याही वेळी घरी येत होती. यामुळे प्रियकराने प्रेयसीची हत्या केल्याची घटना येथे घडली आहे, अशी माहिती पोलिसांनी दिली.
पोलिस अधिकारी राजबचन सिंह यांनी दिलेल्या माहितीनुसार, जगमीत सिंह व मनप्रीत कौर हे एकाच गावात राहात होते. गेल्या तीन वर्षांपासून दोघांमध्ये प्रेमसंबंध होते. जगमीतचा दोन वर्षांपूर्वी विवाह झाला होता. विवाहानंतर जमीत हा मनप्रीतला टाळत होता. परंतु, ती सोडायला तयार नव्हती. मनप्रीत ही कोणत्याही वेळी जगमीतच्या घरी येत होती. यामुळे तिच्या त्रासाला तो कंटाळला होता. शिवाय, मनप्रीतचे दुसऱाशी प्रेमसंबंध असल्याचा जगमीतला संशय होता. एक महिन्यापूर्वी गावामध्ये पंचायचीने बैठक बसवली होती. दोघांनी एकमेकांपासून दूर राहण्यास सांगितले होते. पुढील काही दिवस ते एकमेकांना भेटत नव्हते. पण, मनप्रीत पुन्हा भेटण्यासाठी दबाव टाकू लागली. जगमीतने प्रेयसीला फोन करून अज्ञात ठिकाणी भेटायला बोलावले. यावेळी दोघांमध्ये बाचाबाची झाली. यानंतर जगमीतने मनप्रीतचा धारदार शस्त्राने खून केला. मृतदेह फेकून दिल्यानंतर कपडे जाळून टाकली.
दरम्यान, गुन्हा दाखल झाल्यानंतर जगमीतला ताब्यात घेण्यात आले. त्याने खूनाची कबुली दिली आहे. याप्रकरणी पुढील तपास सुरू आहे. 22 वर्षीय मनप्रीतने संगणक क्षेत्रात काम करत होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.