नवी दिल्ली : आज के शिवाजी नरेंद्र मोदी या पुस्तकावर भाजपने बंदी घातली असली तरी या पुस्तकाच्या पहिल्या पानावरच लेखकाने छत्रपती शिवाजी महाराज आणि पंतप्रधान नरेंद्र मोदी यांच्या उंचीवरून तुलना केली आहे.
'झी 24 तास' या वाहिनीने दिलेल्या वृत्तानुसार, या पुस्तकाच्या पहिल्याच पानावर शिवाजी महाराज आणि मोदी यांचे रेखाचित्र काढण्यात आले आहे. या रेखाचित्रातून यांची उंची समान असल्याचे लेखकाने दाखविले आहे. यावरून शिवाजी महाराज आणि मोदी यांची तुलना करण्यात आली आहे. या वादग्रस्त पुस्तकात लेखक लिहतो, ‘शिवाजी मध्यम कद के थे. इससे यकायक मेरे सामने नरेंद्र मोदी आए! वे भी मध्यम कद के ही है! पुस्तकाच्या सुरवातीलाच 'नरेंद्र मोदी और शिवाजी शारीरिक समानताए' असे पहिले प्रकरण आहे.
याबरोबरच या पुस्तकाचे लेखक जय भगवान गोयल याने मे 2019 मध्ये मोदी पुन्हा पंतप्रधान झाल्यानंतर त्यांचा शपथविधीचा कार्यक्रम शिवाजी महाराजांच्या राज्यभिषेक प्रमाणे करावा, अशी विनंती केली होती. तसा फोटोही तयार केला होता. पत्र लिहून त्याने ही मागणी केली होती.
पंतप्रधान नरेंद्र मोदींची तुलना छत्रपती शिवाजी महाराजांशी करणारे वादग्रस्त पुस्तक लेखक जयभगवान गोयल यांनी मागे घेतल्याची माहिती भाजपने दिली आहे. "जयभगवान गोयल यांनी वैयक्तिकरीत्या पुस्तक प्रकाशित केले होते. त्याचा भाजपशी काहीही संबंध नाही. पुस्तकामुळे भावना दुखावल्या असतील, तर त्यांनी माफीही मागितली आहे. गोयल यांनीच ते पुस्तक मागे घेतले आहे. त्यामुळे आता वादावर पडदा पडेल,'' असे भाजपचे ज्येष्ठ नेते आणि केंद्रीय मंत्री प्रकाश जावडेकर यांनी म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.